தங்கம் விலை பவுனுக்கு ரூ.40 உயர்வு

சென்னை: தங்கம் விலை நேற்று பவுனுக்குரூ.40 அதிகரித்து ரூ.47,200-க்கு விற்பனையானது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது. இந்நிலையில், தங்கம் விலை நேற்று அதிகரித்தது. இதன்படி, ஆபரணத் தங்கம் கிராம் ஒன்றுக்கு ரூ.5 அதிகரித்து ரூ.5,900-க்கும், பவுனுக்கு ரூ.40 அதிகரித்து ரூ.47,200-க்கும் விற்பனையானது. இதேபோல், 24 காரட் சுத்தத் தங்கத்தின் விலை பவுன் ரூ.50,960 ஆக இருந்தது. ஒரு கிராம் வெள்ளி நேற்று ரூ.80.70-க்கு விற்பனையானது. ஒரு கிலோ பார் வெள்ளியின் விலை நேற்று ரூ.80,700 ஆக இருந்தது. பொங்கல் மற்றும் முகூர்த்த நாட்கள் வர உள்ள நிலையில் தங்கம் விலை தொடர்ந்து உயர்ந்து வருவது பொதுமக்கள் மத்தியில் அதிர்ச்சியை எற்படுத் தியுள்ளது.