ஐபிஎல் கிரிக்கெட் போட்டி: கூடுதல் ரயில் சேவை 6 நாட்களுக்கு இயக்கம்

சென்னை: ஐபிஎல் கிரிக்கெட் போட்டியை முன்னிட்டு, சிந்தாதிரிப்பேட்டை-வேளச்சேரி இடையே 6 நாட்களுக்கு கூடுதல் பயணிகள் மின்சார ரயில் சேவை இயக்கப்படுகிறது.

சென்னை, சேப்பாக்கம் எம்.ஏ.சிதம்பரம் விளையாட்டரங்கில் ஐபிஎல் கிரிக்கெட் போட்டிகள் நடைபெறுவதை முன்னிட்டு, ரசிகர்களின் வசதிக்காக, சிந்தாதிரிப்பேட்டை-வேளச்சேரி இடையே கூடுதல் சிறப்பு மின்சார ரயில்கள் இயக்கப்படுகின்றன.

இதன்படி, வரும் 8, 23, 28 மற்றும் மே 1, 24 , 26 ஆகிய தேதிகளில் இந்த மின்சார ரயில் சேவைகள் இயக்கப்படும். வேளச்சேரி ரயில் நிலையத்திலிருந்து இரவு 10.40, 11.05மணிக்கும், சிந்தாதிரிப்பேட்டையில் இருந்து 11.20, 11.45 மணிக்கு இந்த ரயில்கள் இயக்கப்படும் என தெற்கு ரயில்வே சென்னை கோட்டம் வெளியிட்ட செய்திக் குறிப்பில் தெரிவிக்கப்பட்டுள்ளது.