இந்திய கம்யூனிஸ்ட் கட்சியை பலப்படுத்தி நிராகரிக்க முடியாத சக்தியாக உருவாக்குவோம்: இரா.முத்தரசன் உறுதி

கும்​பகோணம்: நூற்​றாண்டு கொண்​டாட்​டத்​தில் இந்திய கம்யூனிஸ்ட் கட்சியை பலப்​படுத்தி, நிராகரிக்​கப்பட முடியாத சக்தியாக உருவாக்கு​வோம் என்று அக்கட்​சி​யின் மாநிலச் செயலாளர் இரா.​முத்​தரசன் கூறினார்.

கும்​பகோணத்​தில் இந்திய கம்யூனிஸ்ட் கட்சி​யின் மாநில நிர்​வாகக் குழு மற்றும் மாநிலக் குழு கூட்டம் கடந்த 10-ம் தேதி தொடங்கி நேற்று வரை நடைபெற்​றது. நிறைவு நாள் நிகழ்ச்​சிக்கு திருத்​துறைப்​பூண்டி எம்எல்ஏ க.மாரி​முத்து, மாவட்டச் செயலாளர் மு.அ.பாரதி ஆகியோர் தலைமை வகித்​தனர்.

துணைச் செயலா​ளர்கள் நா.பெரியசாமி, மூ.வீர​பாண்​டியன், தேசிய நிர்​வாகக் குழு உறுப்​பினர் டி.எம்​.மூர்த்தி, மாநிலப் பொருளாளர் எம்.ஆறு​முகம், மாநில செயற்​குழு உறுப்​பினர் வை.சிவபுண்​ணியம் உள்ளிட்​டோர் பங்கேற்​றனர்.

கூட்​டத்​துக்​குப் பின் மாநிலச் செயலாளர் இரா.​முத்​தரசன் செய்தி​யாளர்​களிடம் கூறியது: இந்திய கம்யூனிஸ்ட் கட்சி​யின் நூற்​றாண்டு விழா வரும் 26-ம் தேதி தொடங்கி நடைபெற உள்ளது. அப்போது தமிழகம் முழு​வதும் அனைத்​துப் பகுதி​களி​லும் கட்சிக் கொடியேற்று​வது, ஒரு கோடி பனை விதைகள் நடுவது போன்ற பணிகள் மேற்​கொள்​ளப்​படும்.

ஜன.26-ல் தருமபுரியில் பேரணி: அனைவருக்​கும் இலவசக் கல்வி, வேலை வழங்கக் கோரி வரும் ஜனவரி 26-ம் தேதி தருமபுரி​யில் ஒரு லட்சம் பேர் பங்கேற்​கும் பேரணி, பொதுக்​கூட்டம் நடைபெறும்.

தமிழகத்​தில் பல்வேறு பிரச்​சினை​களுக்காக ஆர்ப்​பாட்​டம், உண்ணா​விரதம் போன்ற போராட்​டங்களை ஜனநாயக முறைப்படி நடத்து​வதற்கு போலீ​ஸார் அனுமதி மறுக்​கின்​றனர். அவர்​களிடம் அனுமதி பெறுவது பெரும் பிரச்​சினையாக உள்ளது. எனவே, இந்த விஷயத்​தில் தமிழக முதல்வர் கவனம் செலுத்த வேண்​டும். கும்​பகோணத்தை தலைநகர​மாகக் கொண்டு புதிய மாவட்​டத்தை, தமிழர் திருநாளான வரும் பொங்கல் பண்டிகையன்று முதல்வர் அறிவிக்க வேண்​டும். அறிவிப்​பார் என நம்பு​கிறேன்.

இந்திய கம்யூனிஸ்ட் கட்சி​யின் நூற்​றாண்டு விழாவையொட்டி, கட்சியை மேலும் பலப்​படுத்தி, பலம் பொருந்திய கட்​சி​யாக, நிராகரிக்​கப்பட ​முடியாத சக்​தியாக உரு​வாக்க ​முடிவு செய்​துள்ளோம். இவ்​வாறு அவர்​ தெரி​வித்​தார்.