இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய இனிய சம்பவங்களை நினைவுகூர்ந்து மகிழ்வீர்கள். கணவன் - மனைவிக்குள் அன்யோன்யம் அதிகரிக்கும். ஆடம்பரச் செலவுகளை தவிர்ப்பீர்கள். மனதில் இருந்துவந்து குழப்பம் நீங்கும்.

ரிஷபம்: ஆரவாரமின்றி சில வேலைகளை செய்து முடிப்பீர்கள். குடும்பத்தில் கலகலப்பான சூழல் ஏற்படும். வெளியூர் பயணங்களால் ஆதாயம் கிடைக்கும். உறவினர், நண்பர்கள் வருகை உண்டு.

மிதுனம்: சில நேரங்களில் மனம் அமைதியற்று காணப்படும். கணவன் - மனைவிக்குள் வீண் சந்தேகம் வந்து செல்லும். யாரையும் நம்பி உறுதிமொழி தரவேண்டாம். முன்கோபத்தால் பகை உண்டாகும்.

கடகம்: திட்டமிட்ட காரியங்களை அலைந்து, திரிந்து முடிக்க வேண்டி வரும். பிள்ளைகள் பிடிவாதமாக இருப்பார்கள். வெளிவட்டாரத்தில் நிதானம் அவசியம். எதிர்பாராத செலவுகளால் கடன் வாங்கும் சூழல் ஏற்படும்.

சிம்மம்: நம்பிக்கைக்குரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. பணவரவு திருப்திகரமாக இருக்கும். வெளியூர் பயணங்கள் மகிழ்ச்சி தரும். பால்ய நண்பரை சந்திப்பீர்கள்.

கன்னி: அதிரடியாகச் செயல்பட்டு சில காரியங்களை விரைந்து முடிப்பீர்கள். குடும்பத்தில் ஒற்றுமை காணப்படும். நீண்டநாட்களாக எதிர்பார்த்த தொகை கைக்கு வரும். கலைப்பொருட்கள் வாங்குவீர்கள்.

துலாம்: இழுபறியான காரியங்களெல்லாம் இனி முடிவுக்கு வரும். கணவன் -மனைவிக்குள் விட்டுக்கொடுத்து செல்வீர்கள். பிள்ளைகளின் கோரிக்கைகளை பூர்த்தி செய்வீர்கள். தாயார் ஆதரவாக இருப்பார்.

விருச்சிகம்: புதிய முயற்சிகள் தள்ளிப்போய் முடியும். குடும்பத்தில் ஒருவரை மாற்றி ஒருவர் குறைகூறிக் கொண்டிருக்க வேண்டாம். சில விஷயங்களுக்கு அனுபவ அறிவைப் பயன்படுத்துவது நல்லது.

தனுசு: மன உளைச்சல் நீங்கும். மனதில் இனம்புரியாத மகிழ்ச்சி காணப்படும். கணவன் - மனைவிக்குள் நிலவிய கருத்துவேறுபாடுகள் முடிவுக்கு வரும். வீடு, வாகனப் பராமரிப்பை மேற்கொள்வீர்கள்.

மகரம்: ஆடம்பரச் செலவுகளை குறைப்பீர்கள். குடும்பரீதியான முக்கிய முடிவுகளை எடுப்பீர்கள். குடும்பத்தினரின் எண்ணங்களைப் பூர்த்தி செய்வீர்கள். நண்பர்கள், உறவினர்களின் உதவி கிட்டும்.

கும்பம்: சோர்வு, அலைச்சல் நீங்கி சுறுசுறுப்புடன் காணப்படுவீர்கள். பணவரவு திருப்திகரமாக இருக்கும். பழைய நண்பர்களைச் சந்திப்பீர்கள். குடும்பத்துடன் ஆன்மிகப் பயணம் செல்ல திட்டமிடுவீர்கள்.

மீனம்: தன்னம்பிக்கையுடன் செயல்பட்டு காரியங்களைச் சாதிப்பீர்கள். உடன்பிறந்தவர்களிடம் இருந்துவந்த கசப்புணர்வு நீங்கும். இழுபறியாக இருந்த தொகை கைக்கு வரும். சிலர் புது வாகனம் வாங்குவீர்கள்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow