இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அதிரடி திட்டங்களை தீட்டுவீர்கள். பணவரவு திருப்திகரமாக இருக்கும். உங்களை தேடிவந்து சிலர் உதவி கேட்பார்கள். ஆன்மிகவாதிகளின் சந்திப்பு நிகழும். பூர்வீக வீட்டை சீரமைத்து, விரிவுபடுத்தி கட்டுவீர்கள்.

ரிஷபம்: முகப் பொலிவு கூடும். அதிகாரப்பூர்வமாக செயல்பட்டு சில வேலைகளை முடிப்பீர்கள். கவலைகள் நீங்கி குடும்பத்தில் கலகலப்பான சூழல் ஏற்படும். பிள்ளைகளின் சாதனைகளால் பெருமை அடைவீர்கள்.

மிதுனம்: வேலைச்சுமையால் உடல் அசதி, மனச்சோர்வு வந்து நீங்கும். பிள்ளைகளிடம் எதிர்மறையாக பேச வேண்டாம். அடுத்தவர்களின் விவகாரத்தில் தலையிடாமல் இருப்பது நல்லது. கலை பொருட்கள் சேரும்.

கடகம்: குடும்பத்தினரை அனுசரித்துப் போவதால் நன்மை ஏற்படும். ஆடம்பர செலவுகளால் சேமிப்புகள் கரையும். நண்பர்கள், உறவினருடன் பகைமை நீங்கும். பிள்ளைகளின் படிப்பு தொடர்பாக அலைச்சல் அதிகரிக்கும்.

சிம்மம்: அடுத்தவர் குழப்பம் நீங்கும் வகையில் தெளிவாகப் பேசி அனைவரையும் கவருவீர்கள். பிள்ளைகளின் எதிர்காலம் தொடர்பான முக்கிய முடிவுகளை எடுப்பீர்கள். வெளியூர் பயணங்களால் ஆதாயம் உண்டு.

கன்னி: தைரியமான முடிவுகளை எடுத்து வெற்றி காண்பீர்கள். கணவன் - மனைவிக்குள் அன்யோன்யம் பிறக்கும். வெளிவட்டாரத்தில் உங்கள் மதிப்பு, மரியாதை கூடும். பழைய பள்ளி, கல்லூரி நண்பர்களை சந்திப்பீர்கள்.

துலாம்: மனக்குழப்பங்கள் விலகும். வெளியூரிலிருந்து உறவினர்கள், நண்பர்களின் வருகையுண்டு. குடும்பத்தினரின் எண்ணங்களை பூர்த்தி செய்வீர்கள். குடும்பத்துடன் வெளியூர் பயணம், சுற்றுலா செல்ல திட்டமிடுவீர்கள்.

விருச்சிகம்: அடுத்தவர்களின் வேலைகளையும் நீங்களே பார்க்கவேண்டி வரும். உதவி கேட்டு உறவினர், நண்பர்கள் தர்மசங்கடத்துக்கு ஆளாக்குவர். வீடு, வாகன பராமரிப்பு செலவுகள் அதிகரிக்கும்.

தனுசு: வெளிவட்டாரத்தில் மதிக்கப்படுவீர்கள்.பணப்பற்றாக்குறை விலகும். மனதுக்குப் பிடித்தவர்களை சந்தித்து மகிழ்வீர்கள். பிள்ளைகளை நல்வழிப்படுத்துவீர்கள். பழைய கடன்களில் ஒன்று தீர வழி கிடைக்கும்.

மகரம்: நீங்கள் முன்பு செய்த உதவிகளுக்கு இப்போது பாராட்டப்படுவீர்கள். உறவினர்கள் மத்தியில் மதிப்பு, மரியாதை கூடும். உற்சாகமான பேச்சால் அனைவரையும் கவருவீர்கள். பால்ய நண்பர்களை சந்தித்து மகிழ்வீர்கள்.

கும்பம்: சோர்வு நீங்கி சுறுசுறுப்படைவீர்கள். சிந்தனைத் திறன் அதிகரிக்கும். திருமணம், சீமந்தம் என்று குடும்பத்தில் கலகலப்பான சூழல் ஏற்படும். பிள்ளைகளின் உடல் நலம் சீராக இருக்கும். தடைகள் நீங்கும்.

மீனம்: துடிப்புடன் காணப்படுவீர்கள். கணவன் - மனைவிக்குள் நெருக்கம் அதிகமாகும். விருந்தினர், நண்பர்களின் வருகையால் வீட்டில் மகிழ்ச்சி தங்கும். தாயாருடன் கருத்து மோதல் வரக்கூடும். எதிலும் அமைதி காக்கவும்.

- ஜோதிஷபூஷண் வேங்கடசுப்பிரமணியன்