Published : 25 Nov 2020 14:16 pm

Updated : 25 Nov 2020 14:16 pm

 

Published : 25 Nov 2020 02:16 PM
Last Updated : 25 Nov 2020 02:16 PM

புயல் பாதிப்பு: வேளாண் படிப்புகளுக்கான கலந்தாய்வுத் தேதிகள் நீட்டிப்பு

storm-vulnerability-extension-of-counselling-dates-for-agricultural-courses

கோவை

நிவர் புயல் பாதிப்பு காரணமாக வேளாண்மைப் படிப்புகளுக்கான கலந்தாய்வுத் தேதிகளை நீட்டித்து, வேளாண்மைப் பல்கலைக்கழகம் அறிவிப்பு வெளியிட்டுள்ளது.

இதுகுறித்து தமிழ்நாடு வேளாண்மைப் பல்கலைக்கழக டீன் எம்.கல்யாணசுந்தரம் வெளியிட்டுள்ள அறிவிப்பு:


''நிவர் புயல் பாதிப்பால் இணையதளம் மற்றும் போக்குவரத்து இடையூறு காரணமாக, தமிழ்நாடு வேளாண்மைப் பல்கலைக்கழக இளநிலைப் பட்டப் படிப்புகளுக்கான இணையவழி மாணவர் சேர்க்கைத் தேதி, நவ.26 முதல் டிச.1-ம் தேதி வரை 6 நாட்கள் நீட்டிப்பு செய்யப்பட்டுள்ளது.

மாற்றி அமைக்கப்பட்டுள்ள மாணவர் சேர்க்கை இணையதளக் கலந்தாய்வு அட்டவணை:

நவ.26 முதல் டிச.1-ம் தேதி வரை பொதுப்பிரிவுக் கலந்தாய்வு நடைபெறுகிறது. நவ.30 மற்றும் டிச.1-ம் தேதிகளில் சிறப்புப் பிரிவினருக்குக் கலந்தாய்வு நடைபெறும். டிச2-ம் தேதி பொதுப்பிரிவினருக்கான கல்லூரி மற்றும் பாடப்பிரிவுகள் ஒதுக்கீடு செய்யப்படும். டிச.7-ம் தேதி முதல் 12-ம் தேதி வரை தினந்தோறும் 600 பேர் வீதம், அசல் சான்றிதழ் சரிபார்ப்பு நேரடியாக நடைபெறும்.

டிச.15-ம் தேதி நகர்வு முறையில் கல்லூரி மற்றும் பாடப்பிரிவுகள் ஒதுக்கீடு செய்யப்படும். டிச.21 முதல் 24 வரை சான்றிதழ் சரிபார்ப்புப் பணி நடைபெறும். டிச.29 மற்றும் 30-ம் தேதிகளில் தொழில் நிறுவனத்தினர் மற்றும் வெளிநாடு வாழ் இந்தியர்களுக்குக் கலந்தாய்வு நடைபெறும்''.

இவ்வாறு அதில் கூறப்பட்டுள்ளது.

தவறவிடாதீர்!


Counselling datesAgricultural coursesபுயல் பாதிப்புவேளாண் படிப்புகலந்தாய்வுத் தேதிகள்தேதிகள் நீட்டிப்புகோவை செய்திநிவர் புயல்

Sign up to receive our newsletter in your inbox every day!

You May Like

More From This Category

More From this Author

x