சென்னையில் நாளை திமுக உயர்நிலை செயல்திட்ட குழு கூட்டம்

சென்னை: கருணாநிதி நூற்றாண்டு விழாவை சிறப்பாக கொண்டாடுவது தொடர்பாகவும், குடியரசுத் தலைவர் பங்கேற்கும் நிகழ்ச்சி மற்றும் திருவாரூர் நிகழ்ச்சி தொடர்பாகவும் விவாதிக்க திமுகவின் உயர்நிலை செயல்திட்டக் குழு கூட்டம் நாளை காலை 11 மணிக்கு அண்ணா அறிவாலயத்தில் முதல்வர் மு.க.ஸ்டாலின் தலைமையில் நடைபெறுகிறது.

முதல்வர் மு.க.ஸ்டாலின் வரும் மே 23-ம் தேதி ஜப்பான்,சிங்கப்பூர் உள்ளிட்ட நாடுகளுக்கு முதலீட்டாளர்களை சந்திக்க செல்கிறார். அவர் ஜூன் 2-ம் தேதி தமிழகம் திரும்புவதாக கூறப்படுகிறது.

இந்நிலையில், ஜூன் 3-ம் தேதி கருணாநிதி நூற்றாண்டு விழா தொடங்குவதால், முன்னேற்பாடுகள் குறித்து இக்கூட்டத்தில் விவாதித்து, பொறுப்பாளர்களை நியமிக்கவும் முதல்வர் முடிவுஎடுத்துள்ளார் என திமுக வட்டாரங்கள் தெரிவித்தன.