ப்ரீமியம்
நூல் வெளி: இன்றும் தொடரும் உணவுப் பண்பாடு

சங்க காலத் தமிழர்களின் உணவுப் பண்பாடு குறித்த சிறப்பான ஆய்வுக் கட்டுரைத் தொகுப்பு இது. மானுடவியலாளர் பக்தவத்சல பாரதி எழுதியிருக்கிறார். சங்கச் சமூகத்தில் நடைபெற்ற பண்டமாற்றுமுறை குறித்தும் இந்நூலில் விரிவாக ஆய்வுசெய்யப்பட்டுள்ளது.

செந்நெல் அரிசியும் வெண்ணெல் அரிசியும் மருத நிலத்தில் மட்டுமே உற்பத்தி செய்யப்பட்டன. குறிஞ்சி நிலத்தவர்கள் மான் இறைச்சியைக் கொடுத்தும் நெய்தல் நில மக்கள் மீனைக் கொடுத்தும் நெல்லைப் பெற்றிருக்கின்றனர். நெய்தல் நில மக்கள் பண்டமாற்று முறையிலேயே தங்களுக்குத் தேவையான பொருட்களைக் குறிஞ்சி நிலத்திலிருந்தும் முல்லை நிலத்திலிருந்தும் பெற்றனர்.