Published : 18 Feb 2020 19:44 pm

Updated : 18 Feb 2020 20:22 pm

 

Published : 18 Feb 2020 07:44 PM
Last Updated : 18 Feb 2020 08:22 PM

’தள்ளிப் போகாதே’ ஃபர்ஸ்ட் லுக் வெளியீடு

ninnu-kori-first-look-released

கண்ணன் இயக்கத்தில் அதர்வா நடித்து வரும் படத்துக்கு 'தள்ளிப் போகாதே' எனப் பெயரிடப்பட்டு ஃபர்ஸ்ட் லுக்கை வெளியிட்டுள்ளது படக்குழு.

'பூமராங்' படத்தைத் தொடர்ந்து மீண்டும் அதர்வா நாயகனாக நடிக்கும் படத்தை இயக்கி வந்தார் ஆர்.கண்ணன். இது தெலுங்கில் பெரும் வரவேற்பைப் பெற்ற 'நின்னு கோரி' படத்தின் ரீமேக்காகும். இதில் நாயகியாக அனுபமா பரமேஸ்வரன் மற்றும் அமிதாஷ் அமிதாஷ் முக்கியக் கதாபாத்திரத்தில் நடித்து வந்தார்கள். கபிலன் வைரமுத்து வசனம் எழுதியுள்ளார்.


மசாலா பிக்ஸ் நிறுவனம் சார்பில் இந்தப் படத்தை தயாரித்தும் வருகிறார் இயக்குநர் கண்ணன். இதனிடையே, சந்தானம் படத்தைத் தொடங்கியதால் அதர்வா படத்தின் படப்பிடிப்பைத் தள்ளி வைத்தார். தற்போது சந்தானம் படத்தை முழுமையாக முடித்துவிட்டு, மீண்டும் அதர்வா நடிக்கும் படத்தின் படப்பிடிப்பைத் தொடங்கியுள்ளார் கண்ணன்.

தற்போது அதர்வா படமும் இறுதிக்கட்டத்தை எட்டியுள்ளதால் படத்தின் தலைப்புடன் கூடிய ஃபர்ஸ்ட் லுக் போஸ்டரை வெளியிட்டுள்ளது படக்குழு. 'தள்ளிப் போகாதே' என்று பெயரிடப்பட்டுள்ள இந்தப் படத்தை ஏப்ரல் மாதத்தில் வெளியிட படக்குழு முடிவு செய்துள்ளது.

'தள்ளிப் போகாதே' படத்தின் படப்பிடிப்பை முடித்துவிட்டு, ஒரே சமயத்தில் இரண்டு படங்களின் இறுதிக்கட்டப் பணிகளிலும் ஈடுபடவுள்ளார் இயக்குநர் கண்ணன்.

தவறவிடாதீர்

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



அதர்வாஅனுபமா பரமேஸ்வரன்இயக்குநர் கண்ணன்தள்ளிப் போகாதேஅமிதாஷ்தள்ளிப் போகாதே ஃபர்ஸ்ட் லுக்இயக்குநர் கண்ணனின் அடுத்தப் படம்

Sign up to receive our newsletter in your inbox every day!

You May Like

More From This Category

More From this Author