மதுரையில் ஆகஸ்ட் 20-ம் தேதி அதிமுக மாநாடு நடைபெறுகிறது. இதையொட்டிய ஏற்பாடுகள் மிகத் தீவிரமாக நடைபெற்று வருகிறது. இந்த மாநாட்டின் ஏற்பாடுகள் குறித்து முன்னாள் அமைச்சர் ஆர்.பி.உதயகுமார் பகிர்ந்தவை இங்கே...

‘மதுரை விமான நிலையம் அருகே மாநாட்டுக்கான பணிகள் 65 ஏக்கரில் நடைபெறுகின்றன.’

‘35 ஏக்கரில் சமையலறை, உணவு விநியோக மையங்கள் அமைக்கப்படுகின்றன.’

‘25 லட்சம் பேர் பங்கேற்கும் வகையில் அனைத்து வசதிகளும் செய்யப்பட்டு வருகின்றன.’

‘மாநாட்டுக்காக 3 லட்சம் சதுர அடியில் பந்தல் அமைக்கப்பட்டது. கூடுதலாக 2 லட்சம் சதுர அடியில் பந்தல் அமைக்கப்பட்டு வருகிறது.’

‘பல லட்சம் பேருக்கு உணவு வழங்கப்படுவதற்கான ஏற்பாடுகளும் நடக்கிறது.’

‘அனைத்து மாவட்டங்களில் இருந்து வரும் வாகனங்களுக்காக 13 இடங்களில் 300 ஏக்கரில் வாகன நிறுத்துமிடங்கள் உருவாக்கப்பட்டுள்ளன’ என்று ஆர்.பி.உதயகுமார் கூறியிருந்தார்.

மதுரை விமான நிலையம் அருகே சுற்றுச்சாலை பகுதியில் அதிமுக மாநாடுக்காக விழா மேடை, விழா பந்தல், காட்சிக் கூடங்கள் மற்றும் உணவுகள் மிகத் தீவிரமாக தயாராகி வருகின்றன. | படங்கள்: நா.தங்கரத்தினம்