Published : 10 Jul 2020 04:22 PM
Last Updated : 10 Jul 2020 04:22 PM
சிஐஎஸ்சிஇ நடத்தும் ஐசிஎஸ்இ, ஐஎஸ்சி பொதுத் தேர்வு முடிவுகள் வெளியாகியுள்ளன. இதில் முறையே 99.34%, 96.84% மாணவர்கள் தேர்ச்சி அடைந்துள்ளனர்.
கரோனா வைரஸ் காரணமாக முன்னெச்சரிக்கை நடவடிக்கையாக நாடு முழுவதும் பள்ளி, கல்லூரிகள் மூடப்பட்டுள்ளன. நாடு முழுவதும் ஊரடங்கு அமலில் உள்ள நிலையில் ஐசிஎஸ்இ, ஐஎஸ்சியின் 10, 12-ம் வகுப்புப் பொதுத் தேர்வுகள் ரத்து செய்யப்படுவதாக அறிவிக்கப்பட்டது. மாணவர்ளுக்கு முந்தைய தேர்வுகள் மற்றும் அக மதிப்பீட்டு அடிப்படையில் தேர்ச்சி வழங்கப்படும் என்று தெரிவிக்கப்பட்டது.
இந்நிலையில் தேர்வு முடிவுகள் இன்று (ஜூலை 10) மாலை 3 மணிக்கு வெளியாகின. இதில் ஐசிஎஸ்இ பொதுத் தேர்வில் 99.34% மாணவர்களும் , ஐஎஸ்சி பொதுத் தேர்வில் 96.84% மாணவர்களும் தேர்ச்சி அடைந்துள்ளனர். தேர்வு முடிவுகளை cisce.org மற்றும் results.cisce.org என்ற இணையதளங்களில் காணலாம்.
குறுஞ்செய்தி மூலமாகவும் மாணவர்கள் தங்களின் தேர்வு முடிவுகளை அறிந்துகொள்ளலாம். அதற்குத் தங்களின் ஐடி எண்ணை 09248082883 என்ற எண்ணுக்குக் குறுஞ்செய்தி அனுப்ப வேண்டியது அவசியம். ICSE/ISC (Unique ID) என்ற முறையில் அனுப்பினால் தேர்வு முடிவுகள் அனுப்பப்படும்.
இதுகுறித்து, ’’அசாதாரண சூழல் காரணமாக மெரிட் பட்டியலை 2020-ம் ஆண்டுக்கான தேர்வு முடிவுகளுக்கு வெளியிடவில்லை. மாணவர்களுக்கான டிஜிட்டல் சான்றிதழை, 48 மணி நேரம் கழித்து அரசின் டிஜிலாக்கர் செயலி மூலம் பெறலாம்’’ என்று சிஐஎஸ்சிஇ தெரிவித்துள்ளது.
Sign up to receive our newsletter in your inbox every day!
WRITE A COMMENT