ஒரு மணி நேரத்தில் 108 முறை சூரிய நமஸ்காரம்: விருதுநகர் மாணவர்கள் சாதனை

விருதுநகரில் பள்ளி மாணவர்கள் 200 பேர் ஒரு மணி நேரத்தில் 108 முறை சூரிய நமஸ்காரம் செய்து ஆஸ்கார் உலக சாதனை புத்தகத்தில் இடம் பிடித்தனர்.

சர்வதேச யோகா தினம் ஜூன் 21-ம் தேதி பின்பற்றப்படுகிறது. இதையொட்டி விருதுநகரில் உள்ள ஸ்ரீவித்யா பள்ளி கலையரங்கில் மாணவ, மாணவிகள் 200 பேர் பங்கேற்ற யோகாசன சாதனை நிகழ்ச்சி நடைபெற்றது.

இந்நிகழ்ச்சிக்கு விருதுநகர் யோகா சங்கச் செயலாளர் ரேணு ராம்பால் தலைமை வகித்தார். விருதுநகரில் உள்ள 5 பள்ளிகளைச் சேர்ந்த 3-ம் வகுப்பு முதல் பிளஸ் 1 வகுப்பு வரை பயிலும் மாணவ, மாணவிகள் 200 பேர் பங்கேற்றனர். 1 மணி நேரத்தில் 108 முறை சூரிய நமஸ்காரம் செய்து ஆஸ்கார் உலக சாதனை புத்தகத்தில் இடம்பிடித்தனர். ஆஸ்கார் உலக சாதனை பார்வையாளர் கதிரவன் முன்னிலை வகித்தார்.

கடந்த 2 ஆண்டுகளுக்கு முன்பு கோவை தனியார் பள்ளி மாணவ, மாணவிகள் 50 பேர் 1 மணிநேரம் 40 நிமிடங்களில் 108 முறை சூரிய நமஸ்காரம் செய்து ஆஸ்கார் உலக சாதனை புத்தகத்தில் இடம்பிடித்தது.