6 மாவட்டங்களுக்கு இன்று பொது விடுமுறை

புரெவி புயல் முன்னெச்சரிக்கையாக கன்னியாகுமரி, திருநெல்வேலி, தென்காசி உள்ளிட்ட 6 மாவட்டங்களுக்கு இன்று பொது விடுமுறை அறிவிக்கப்பட்டுள்ளது.

இதுதொடர்பாக தமிழக அரசு வெளியிட்ட செய்திக்குறிப்பு:

‘புரெவி’ கரையைக் கடக்கும்போது, பெருமழைக்கும், புயல் காற்றுக்கும் வாய்ப்புகள் உள்ளதால், முன்னெச்சரிக்கை நடவடிக்கையாக கன்னியாகுமரி, திருநெல்வேலி, தென்காசி, ராமநாதபுரம், விருதுநகர், தூத்துக்குடி ஆகிய 6 மாவட்டங்களுக்கு டிச.4-ம் தேதி (இன்று) அரசு பொது விடுமுறை அளிக்கப்படுகிறது. இதற்கு ஈடாக 2021 ஜனவரியில் ஒரு சனிக்கிழமை அரசு அலுவலகங்கள் செயல்படும். இந்த மாவட்டங்களில் அத்தியாவசியப் பணிகள் தவிர பிற பணிகளுக்கு பொதுமக்கள் வெளியில் செல்வதை தவிர்க்க வேண்டும். இவ்வாறு அதில் கூறப்பட்டுள்ளது.