முன்னாள் படைவீரர்களின் சிறார்களுக்கு கல்வி உதவித் தொகை

தூத்துக்குடி : தூத்துக்குடி மாவட்ட ஆட்சியர் சந்தீப் நந்தூரி வெளியிட்டுள்ள செய்திக் குறிப்பு: மத்திய முப்படை வீரர் வாரியம் மூலம் முன்னாள் படைவீரர்களின் சிறார்களுக்கு பாதுகாப்பு அமைச்சரின் விருப்புரிமை நிதியில் இருந்து வழங்கப்படும் கல்வி உதவித்தொகை பெற 2019-2020-ம் கல்வியாண்டில் 1-ம் வகுப்பு முதல் 9 மற்றும் பிளஸ் 1 வகுப்புப் பயின்ற முன்னாள் படைவீரர்களின் சிறார்கள் இணையதளத்தில் கடந்த செப்டம்பர் 30-ம் தேதி வரை விண்ணப்பிக்க அறிவுறுத்தப்பட்டிருந்தது.

தற்போது நவம்பர் 30-ம் தேதி வரை விண்ணப்பிக்க கால அவகாசம் வழங்கப்பட்டுள்ளது. மேலும் விவரங்களுக்கு தூத்துக்குடி, முன்னாள் படைவீரர் நலன் உதவி இயக்குநர் அலுவலகத்தை நேரில் தொடா்பு கொள்ளலாம் எனத் தெரிவிக்கப்பட்டுள்ளது.