மதுரை மத்திய சிறையில் கைதிகளுக்கு : கஞ்சா விநியோகித்த காவலர் மீது வழக்கு :

ராமநாதபுரம் மாவட்டம், கமுதியைச் சேர்ந்தவர் சுந்தர் (35). மதுரையில் 6-வது பட்டாலியன் காவலராக உள்ளார். இவர், கடந்த சில நாட்களுக்கு முன்பு மத்திய சிறையில் பாதுகாப்பு பணிக்காகச் சென்றபோது, விசாரணைக் கைதிகள் அடைக்கப்பட்டிருக்கும் பகுதியில் தங்கத்துரை (40), யோகலெட்சுமணன் (34), ஆஷா என்ற நாகமுருகன் (34) ஆகிய 3 பேருக்கும் கஞ்சா விநியோகம் செய்ததாகக் கூறப்படுகிறது. இதுகுறித்து கிடைத்த ரகசியத் தகவலின்படி ஜெயிலர் வசந்த கண்ணன் விசாரணை நடத்தினார். இதையடுத்து, ஜெயிலர் அளித்த புகாரின்பேரில் கரிமேடு போலீஸார் வழக்குப் பதிவு செய்து காவலர் சுந்தரைத் தேடி வருகின்றனர்.

FOLLOW US