Published : 10 Apr 2020 06:43 PM
Last Updated : 10 Apr 2020 06:43 PM

சீன வர்த்தக இணையத்தில் ஐபோன் 9 விற்பனை

சீன வர்த்தக இணையத்தில் ஐபோன் 9 விற்பனை பட்டியலிடப்பட்டுள்ளது.

சீனாவில் ஜிங்க்டாங் என்ற இணையதளத்தில் JD.com ஐபோன் 9 விற்பனைக்குப் பட்டியலிடப்பட்டுள்ளது. மே 1-ம் தேதியிலிருந்து 10-ம் தேதி வரை ஐபோன் விற்கப்படும் என்று அந்தத் தளத்தில் அறிவிக்கப்பட்டுள்ளது. ஆனால் இந்த மாடல் பற்றிய மற்ற விவரங்களோ, புகைப்படமோ இதில் இடம் பெறவில்லை. மாறாக ஒரு துணியால் மொபைல் மூடப்பட்டது போன்ற புகைப்படமே இடம்பெற்றுள்ளது.

ஏப்ரம் 22-ம் தேதி ஐபோன் 9 மற்றும் SE 2 ஆகிய மாடல்கள் விற்பனைக்கு வருவதாக இருந்தது. அதற்கு முன் ஏப்ரல் 15 அன்று எப்போதும் போல அறிமுக நிகழ்ச்சியும் திட்டமிடப்பட்டிருந்தது. ஆனால், தற்போது கோவிட்-19 தொற்றைக் கட்டுப்படுத்த சர்வதேச அளவில் ஊரடங்கு அமலில் இருப்பதால் இந்த நிகழ்ச்சி ரத்தானது.

2016-ம் ஆண்டு வெளியான SE மாடலைப் போல SE 2 மாடலும் விலை குறைந்த ஐபோனாக இருக்கும் என்று எதிர்பார்க்கப்படுகிறது. மற்ற அம்சங்களைப் பொறுத்தவரை, ஐபோன் 9-ல், 4.7 இன்ச் அகல திரையும், ஏ13 பயோனிக் சிப்ஸட்டும் இருக்கும் என்றும் துறை வல்லுநர்கள் கணித்துள்ளனர். 64 ஜிபி மற்றும் 128 ஜிபி வடிவங்களில் இது கிடைக்கும் என்று தெரிகிறது.

தவறவிடாதீர்!

Sign up to receive our newsletter in your inbox every day!

 
x