கால்நடை மருத்துவ படிப்புக்கான கலந்தாய்வு: சென்னையில் வியாழக்கிழமை தொடங்குகிறது

கால்நடை மருத்துவ படிப்புகளுக்கான கலந்தாய்வு சென்னையில் நாளை (வியாழக்கிழமை) தொடங்குகிறது.

இளநிலை கால்நடை மருத்துவம் (பிவிஎஸ்சி), பிடெக் (உணவு தொழில்நுட்பம்), பிடெக் (பால்வள தொழில்நுட்பம்), பிடெக் (கோழியின உற்பத்தி தொழில்நுட்பம்) ஆகிய படிப்புகளுக்கான கலந்தாய்வு நாளை(வியாழக்கிழமை) தொடங்கி 8-ந் தேதி வரை சென்னை வேப்பேரியில் உள்ள கால்நடை மருத்துவக் கல்லூரியில் நடைபெற உள்ளது. பிவிஎஸ்சி கலந்தாய்வு 6, 7-ந் தேதிகளிலும், பிடெக் படிப்புகளுக்கான கலந்தாய்வு 8-ந் தேதியிலும் நடைபெறுகிறது.

இக்கலந்தாய்வு மூலமாக பிவிஎஸ்சி படிப்பில் 272 இடங்களும், பிடெக் படிப்புகளில் தலா 20 இடங்களும் நிரப்பப்பட இருப்பதாக தமிழ்நாடு கால்நடை மருத்துவ அறிவியல் பல்கலைக்கழக தேர்வுக்குழு (இளநிலை பட்டப்படிப்பு) தலைவர் டாக்டர் எம்.திருநாவுக்கரசு தெரிவித்துள்ளார்.