தென் ஆப்பிரிக்கா டெஸ்ட் அணியில் டிவில்லியர்ஸ், ஸ்டெய்ன், பிலாண்டர்

போர்ட் எலிசபெத் மைதானத்தில் ஜிம்பாபவேவுக்கு எதிராக டிசம்பர் 26-ம் தேதி தொடங்கும், உலகின் முதல் 4 நாள் பகலிரவு டெஸ்ட் போட்டிக்கான தென் ஆப்பிரிக்க அணியில் டிவில்லியர்ஸ், ஸ்டெய்ன், பிலாண்டர் ஆகியோர் தேர்வு செய்யப்பட்டுள்ளனர்.

டிவில்லியர்ஸ் கடைசியாக ஜனவரி 2016-ல் டெஸ்ட் போட்டியில் ஆடினார். டேல் ஸ்டெய்னும் பெர்த்தில் கடந்த ஆண்டு தோள்பட்டைக் காயம் அடைந்து அதன் பிறகு ஆடவில்லை.

மோர்னி மோர்கெலும் காயத்திலிருந்து மீண்டுள்ளார். எனவே தென் ஆப்பிரிக்க அணி அதன் அபாயகரமான முழு வலுவுடன் ஜிம்பாப்வேவுக்கு எதிராகக் களமிறங்குகிறது. அதே போல் வெர்னன் பிலாண்டர் முதுகு காயத்திலிருந்து மீண்டுள்ளார்.

அதே போல் அதிரடி ஆல்ரவுண்டர் கிறிஸ் மோரிஸ் மீண்டும் தென் ஆப்பிரிக்க டெஸ்ட் அணிக்குள் வந்துள்ளார்.

ஜனவரி 5-ம் தேதி இந்தியா அங்கு முதல் டெஸ்ட்டில் ஆடுகிறது. அப்போது வேகப்பந்து வீச்சுக்குச் சாதகமான பிட்சில் 7 பேட்ஸ்மென்கள் 4 வேகப்பந்து வீச்சாளர்கள் கூட்டணி இந்தியாவுக்காகக் காத்திருக்கிறது.

ஜிம்பாப்வேவுக்கு எதிரான தென் ஆப்பிரிக்க அணி வருமாறு:

டுபிளெசிஸ் (கேப்டன்), ஹஷிம் ஆம்லா, தெம்பா பவுமா, டி காக், டி புருய்ன், ஏ.பி.டிவிலியர்ஸ், டீன் எல்கர், கேஷவ் மகராஜ், அய்டன் மர்க்ரம், மோர்னி மோர்கெல், ஆண்டில் பெலுக்வயோ, பிலாண்டர், கேகிஸோ ரபாடா, டேல் ஸ்டெய்ன்.