ப்ரீமியம்
மோடி மீதான ஸ்டாலின் விமர்சனம் முதல் மணிப்பூர் அப்டேட் வரை | செய்தித் தெறிப்புகள் 10 @ ஆக.17, 2023

மதுரை எய்ம்ஸ்... 2024 தேர்தல் நாடகமா? - முதல்வர் ஸ்டாலின்: ராமநாதபுரத்தில் திமுகவின் தென் மண்டல வாக்குசாவடி முகவர் பயிற்சிப் பாசறைக் கூட்டம் வியாழக்கிழமை நடைபெற்றது. இதில் கட்சியின் தலைவரும் தமிழக முதல்வருமான மு.க.ஸ்டாலின் கலந்துகொண்டு பேசும்போது, “கடந்த 2015-ஆம் ஆண்டு அறிவித்த எய்ம்ஸ் டெல்லியில் இருந்து டெண்டர் அளவுக்கு உருண்டு வரவே சுமார் 9 ஆண்டுகள் ஆகியிருக்கிறது. இனியாவது விரைவாக கட்டி முடிப்பார்களா, இல்லை, இதுவும் 2024 நாடாளுமன்றத் தேர்தலுக்கான நாடகமா என்று தெரியவில்லை” என்று பேசினார். அத்துடன், தமிழகத்துக்கு பாஜக அறிவித்த வாக்குறுதிகளில் நிறைவேற்றியது என்ன? என்று பட்டியலிட்டு அவர் கேள்வி எழுப்பினார்.