அஜித்தைப் பார்த்து எப்படி ஒருவர் அவதூறாக பேசலாம்? - நடிகர் நட்ராஜ் காட்டம்

அஜித் நடிப்பில் வெளியாகியுள்ள 'விவேகம்' விமர்சன சர்ச்சை தொடர்பாக ஒளிப்பதிவாளரும், நடிகருமான நட்ராஜ் காட்டமாக தனது கருத்துகளை வெளிப்படுத்தியுள்ளார்.

சிவா இயக்கத்தில் அஜித் நடித்திருக்கும் 'விவேகம்' பெரும் எதிர்பார்ப்புக்கு இடையே ஆகஸ்ட் 24-ம் தேதி வெளியானது. இப்படத்துக்கு கலவையான விமர்சனங்கள் வந்துள்ளன. இதில் மாறன் என்பவரது விமர்சனம் திரையுலகினர் மத்தியில் கடும் அதிருப்தியை உண்டாக்கி இருக்கிறது.

இச்சர்ச்சை குறித்து ஒளிப்பதிவாளர் மற்றும் நடிகர் நட்ராஜ் தனது ட்விட்டர் பக்கத்தில் கூறியிருப்பதாவது:

அஜித் சாரை பார்த்து எப்படி ஒருவர் அவதூறாக பேசலாம்? இதை நாங்கள் கண்டிக்கின்றோம். படத்தை விமர்சியுங்கள் ஆனால் ஒரு நல்ல மனிதர் மற்றும் நடிகரைப் பற்றி அவதூறான வார்த்தைகளை பேசக் கூடாது

இவ்வாறு நட்ராஜ் தெரிவித்துள்ளார்.