Published : 17 Feb 2020 19:14 pm

Updated : 17 Feb 2020 20:37 pm

 

Published : 17 Feb 2020 07:14 PM
Last Updated : 17 Feb 2020 08:37 PM

'மாஸ்டர்' பாடலுக்கு சிம்பு பாராட்டு

simbu-appreciates-master-song

'மாஸ்டர்' படத்திலிருந்து வெளியிடப்பட்ட 'ஒரு குட்டிக் கதை' பாடலை சிம்பு பாராட்டியுள்ளார்.

லோகேஷ் கனகராஜ் இயக்கத்தில் விஜய் நடித்து வரும் படம் 'மாஸ்டர்'. இந்தப் படத்தின் இறுதிக்கட்டப் படப்பிடிப்பு விரைவில் துவங்கவுள்ளது. ஏப்ரல் முதல் வாரத்தில் வெளியாகவுள்ள இந்தப் படத்தின் விளம்பரப்படுத்தும் பணிகள் தொடங்கப்பட்டுள்ளது.


முதலாவதாக அருண்ராஜா காமராஜ் எழுதி, விஜய் பாடிய 'ஒரு குட்டிக் கதை' பாடலை காதலர் தினத்தன்று மாலை 5 மணியளவில் வெளியிட்டார்கள். இந்தப் பாடலுக்கு அமோக வரவேற்பு கிடைத்தது. அனிருத் இசையமைத்த இந்தப் பாடல் வெளியான 24 மணி நேரத்துக்குள் உலகளவில் அதிகம் பேர் பார்த்த யூ-டியூப் வீடியோக்கள் பட்டியலில் 3-ம் இடத்தைப் பிடித்தது.

தற்போது இந்தப் பாடலை சிம்புவும் பாராட்டியுள்ளார். இதனை எழுதிய அருண்ராஜா காமராஜுக்கு தொலைபேசி வாயிலாக தனது வாழ்த்தைத் தெரிவித்துள்ளார். சிம்பு வாழ்த்துக் கூறியது தொடர்பாக அருண்ராஜா காமராஜ் தனது ட்விட்டர் பதிவில், "எங்கள் குட்டி ஸ்டோரி பாடலுக்காக நீங்கள் தந்த அன்பு, பாராட்டுகள், நேர்மறை எண்ணங்களுக்கு மிக்க நன்றி எஸ்டிஆர். உங்களுக்கும் என் அன்பு. நெகிழ்ந்துவிட்டேன். உங்களிடமிருந்து இவ்வளவு அன்பு கிடைத்ததில் பெருமை" என்று தெரிவித்துள்ளார்.

முதலில் படப்பிடிப்பை முழுமையாக முடிப்பதில் கவனம் செலுத்தி வருகிறது படக்குழு. அதனைத் தொடர்ந்து பிரம்மாண்டமாக இசை வெளியீட்டு விழாவினை நடத்தப் படக்குழு முடிவு செய்துள்ளது.

தவறவிடாதீர்

2 ஆண்டுகளில் ஒட்டுமொத்த சினிமாவும் பையனூருக்கு மாறிவிடும்: ஆர்.கே.செல்வமணி நம்பிக்கை

இயக்குநரான ரம்யா நம்பீசன்

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



சிம்புசிம்பு பாராட்டுமாஸ்டர்மாஸ்டர் பாடல்ஒரு குட்டிக் கதை பாடல்விஜய் பாடியதுஅருண்ராஜா காமராஜ்அனிருத்இயக்குநர் லோகேஷ் கனகராஜ்மாளவிகா மோகனன்விஜய் சேதுபதி

Sign up to receive our newsletter in your inbox every day!

You May Like

More From This Category

More From this Author