இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மகன், மகளின் திருமணம் கூடி வரும். விரும்பிய பொருட்களை வாங்கி மகிழ்வீர்கள். ஓரளவு பணவரவு உண்டு. பூர்வீக சொத்தை அதிக செலவு செய்து சீரமைப்பீர்கள். பால்ய நண்பர்களை சந்திக்கும் வாய்ப்பு ஏற்படும்.

ரிஷபம்: அடிப்படை வசதிகள் பெருகும். பூர்வீக சொத்துப் பிரச்சினை முடிவுக்கு வரும். திருமணம், சீமந்தம் போன்ற சுபநிகழ்ச்சிகளில் முதல் மரியாதை கிடைக்கும். நவீன மின்னணு சாதனங்கள் வாங்கி மகிழ்வீர்கள்.

மிதுனம்: பழைய உறவினர், நண்பர்கள் தேடி வந்து பேசுவார்கள். புதிய வாகனம் வாங்கும் முயற்சியில் இறங்குவீர்கள். வெளிவட்டாரத்தில் புது அனுபவம் உண்டாகும். வழக்குகளில் உங்களுக்கு சாதகமான தீர்ப்பு வரும்.

கடகம்: தொட்டது துலங்கும். அனுபவப்பூர்வமாக பேசுவீர்கள். அரசால் ஆதாயம் உண்டு. பழைய கடனை பைசல் செய்ய புது வழி பிறக்கும். உறவினர், நண்பர்கள் வீட்டு விசேஷங்களை முன்னின்று நடத்துவீர்கள்.

சிம்மம்: குடும்பத்தில் இழந்த செல்வாக்கை மீண்டும் பெறுவீர்கள். தினந்தோறும் எதிர்பார்த்து காத்திருந்த தொகைகைக்கு வரும். முக்கிய பிரமுகர்களின் நட்பு கிடைக்கும். அக்கம் பக்கத்தினருடன் அளவாகப் பேசி பழகவும்.

கன்னி: நெருங்கியவர்கள் சிலரால் ஏற்படும் தர்மசங்கடமான சூழ்நிலையை சமாளிக்க வேண்டி வரும். யோகா, தியானத்தில் ஈடுபடுவது நல்லது. பழைய வாகனம் செலவு வைக்கும். கலை பொருட்கள் சேரும்.

துலாம்: முன்பின் அறியாதவர்களிடம் குடும்ப அந்தரங்க விஷயங்களை பகிர்ந்து கொள்ள வேண்டாம். மற்றவர்களின் ஆலோசனைகளை கேட்டுக் கொண்டாலும், நீங்களே முடிவு செய்யவும். பணவரவு உண்டு.

விருச்சிகம்: உங்களின் புகழ், கவுரவம் உயரும். தடைபட்ட வேலைகளை விரைந்து முடிப்பீர்கள். நாடாளுபவர்களின் நட்பு கிடைக்கும். குடும்பத்தில் அடுத்தடுத்து சுப நிகழ்ச்சிகள் ஏற்பாடாகும். வழக்குகள் சாதகமாகும்.

தனுசு: கடந்த கால சுகமான அனுபவங்களை, சாதனைகளை அவ்வப்போது நினைத்து மகிழ்வீர்கள். வீண் விவாதங்களை தவிர்ப்பீர்கள். எதிலும் உங்கள் கை ஓங்கும். பூர்வீக சொத்து பிரச்சினைகளை எளிதில் சமாளிப்பீர்கள்.

மகரம்: ஆடம்பரச் செலவுகளை குறைத்து இனி வருங்காலத்துக்காக சேமிக்கத் தொடங்குவீர்கள். உறவினர், நண்பர்கள் மத்தியில் மதிப்பு, மரியாதை கூடும். உங்கள் உடல் ஆரோக்கியத்தில் கவனம் தேவை.

கும்பம்: வரவுக்கு மிஞ்சிய செலவுகள் இருக்கும். சொந்த ஊரில் எதிர்ப்புகள் வரும். முக்கிய விஷயங்களை நீங்களே நேரில் சென்று முடியுங்கள். புதிய தொழில் தொடங்குவீர்கள். புதிய பொறுப்பு தேடி வரும்.

மீனம்: கணவன் - மனைவிக்குள் இருந்த ஈகோ பிரச்சினை, வீண் சந்தேகம் விலகும். பழைய வாகனம் செலவுவைக்கும். உங்களின் இலக்கை நோக்கி முன்னேறுவீர்கள். யாரையும் பகைத்துக் கொள்ள வேண்டாம்.

- ஜோதிஷபூஷண் வேங்கடசுப்பிரமணியன்