இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தானுண்டு தன் வேலையுண்டு என்றிருக்க வேண்டும். வீட்டிலும், வெளியிலும் மற்றவர்களை அனுசரித்துப் போகவும். பிற்பகல் முதல் தடைகளை தாண்டி முன்னேறுவீர்கள். பழைய வாகனம் செலவு வைக்கும்.

ரிஷபம்: குடும்பத்தினரிடம் கோபத்தை காட்டாதீர். யாருக்காகவும் சாட்சி கையெழுத்திட வேண்டாம். அடுத்தவர்களை குறை கூறுவதை நிறுத்துங்கள். பூர்வீக நிலம் தொடர்பான பேச்சுவார்த்தையில் முன்னேற்றம் உண்டு.

மிதுனம்: தம்பதிக்குள் மனம் விட்டு பேசுவீர்கள். அதிகாரப் பதவியில் இருப்பவர்களின் நட்பு கிடைக்கும். நாடி வந்தவர்களுக்கு உதவி செய்வீர்கள். உறவினர்கள், நண்பர்களுடன் எதிர்பாராத சந்திப்பு நிகழும்.

கடகம்: சிந்தனைத் திறன் பெருகும். சகோதரர்கள் பாசமழை பொழிவார்கள். பழைய பிரச்சினைகள் கட்டுக்குள் வரும். மகன், மகளின் கல்யாண பேச்சுவார்த்தை கைகூடும். வீண் விவாதங்களை தவிர்க்கவும்.

சிம்மம்: தடைபட்ட வேலைகளை முடிப்பீர்கள். உறவினர்களால் நன்மை உண்டு. வீடு, வாகனத்தை சீர் செய்வீர். ஆன்மிக நாட்டம் அதிகரிக்கும். பிள்ளைகளின் போக்கில் கவனம் இருக்கட்டும். பணவரவு உண்டு.

கன்னி: உங்களை அறியாமலேயே தாழ்வு மனப்பான்மை தலைதூக்கும். அடுத்தவர்கள் மனது காயப்படும்படி நடந்து கொள்ள வேண்டாம். பிற்பகல் முதல் எதிர்பார்த்த உதவிகள் கிடைக்கும். எதிலும் நிதானம் தேவை.

துலாம்: நிர்வாகத் திறமை வெளிப்படும். விலை உயர்ந்த பொருட்கள் வாங்குவீர்கள். வேற்றுமதத்தவர், வேற்று மொழி பேசுபவர்கள் அறிமுகமாவர். பிள்ளைகளை அவர்கள் விரும்பும் படிப்பில் சேர்ப்பது நல்லது.

விருச்சிகம்: குடும்பத்தில் உங்கள் வார்த்தைக்கு மதிப்பு கூடும். முக்கிய பிரமுகர்களின் நட்பு கிடைக்கும். வெளிவட்டாரத்தில் உங்களது பெருமை பேசப்படும். பொது காரியங்களில் ஈடுபடுவீர். பணவரவு திருப்தி தரும்.

தனுசு: பிள்ளைகளின் தனித்திறமைகளை கண்டறிவீர்.குடும்பத்துடன் சென்று நீண்ட நாள் பிரார்த்தனைகளை நிறைவேற்றுவீர்கள். உடன் பிறந்தவர்களால் பயனடைவீர்கள். அக்கம் பக்கத்தினருடன் அளவாகப் பேசவும்.

மகரம்: அத்தியாவசிய தேவைகளை பூர்த்தி செய்து கொள்வீர்கள். தாயாரின் உடல் நலத்தில் அக்கறை காட்டுங்கள். மற்றவர்களுக்காக சில பொறுப்புகளை ஏற்பீர்கள். மகளுக்கு நல்ல இடத்தில் திருமணம் நிச்சயமாகும்.

கும்பம்: திட்டவட்டமாக சில முக்கிய முடிவுகள் எடுப்பீர். உடன் பிறந்தவர்கள் உதவிகரமாக இருப்பர். வாகன வசதி பெருகும். சொத்துப் பிரச்சினைக்கு தீர்வு கிடைக்கும். மனதுக்கு பிடித்தவர்களை சந்தித்து மகிழ்வீர்கள்.

மீனம்: புதியவர்கள் அறிமுகமாவார்கள். பழைய பிரச்சினைகளுக்கு தீர்வு காண்பீர்கள். ஆடை, ஆபரணம் வாங்குவீர்கள். பழைய சொந்த பந்தங்கள் தேடி வருவார்கள். பிறரை எடுத்தெறிந்து பேச வேண்டாம்.

- ஜோதிஷபூஷண் வேங்கடசுப்பிரமணியன்