Published : 08 Jan 2021 22:07 pm

Updated : 08 Jan 2021 22:07 pm

 

Published : 08 Jan 2021 10:07 PM
Last Updated : 08 Jan 2021 10:07 PM

அமெரிக்கா, பிரிட்டனிடமிருந்து கரோனா தடுப்பு மருந்துகளை வாங்க மாட்டோம்: ஈரான்

iran-leader-bans-import-of-us-uk-covid-19-vaccines-demands-sanctions-end

அமெரிக்கா மற்றும் பிரிட்டனிலிருந்து தயாரிக்கப்பட்ட கரோனா தடுப்பு மருந்துகளுக்கு ஈரான் தடை விதித்துள்ளது.

இதுகுறித்து ஈரான் மதத் தலைவர் அயத்துல்லா அலி காமெனி கூறும்போது, “எங்கள் மீதான பொருளாதாரத் தடைகளை நீக்க வேண்டும். அமெரிக்கா மற்றும் பிரிட்டனிடமிருந்து கரோனா தடுப்பு மருந்துகளை ஈரான் வாங்காது. அவர்களது தடுப்பு மருந்துகளை நம்ப முடியாது. பிரான்ஸின் தடுப்பு மருந்துகளும் நம்பிக்கைக்குரியது அல்ல. நாங்கள் எங்களுக்குக் கரோனா தடுப்பு குறித்து நம்பகத்தன்மை எங்கு உள்ளதோ அங்கு வாங்குவோம்” என்று தெரிவித்துள்ளார்.


ஈரானில் தயாரிக்கப்பட்ட கரோனா தடுப்பு மருந்தை மனிதர்களுக்குச் செலுத்தும் பரிசோதனையை அந்நாட்டு அரசு கடந்த வாரம் தொடங்கியது.

ஈரானில் சமீப நாட்களாகவே கரோனா தொற்று அதிகரித்து வருவதைத் தொடர்ந்து அங்கு பழைய கட்டுப்பாடுகள் மீண்டும் தொடங்கியுள்ளன. பொதுமக்கள் அதிக எண்ணிக்கையில் கூடுவதற்குத் தடை விதிக்கப்பட்டுள்ளது. ஜிம், உணவகங்களையும் மூட உத்தரவிடப்பட்டுள்ளது.

மத்தியக் கிழக்கு நாடுகளில் ஈரானும், சவுதியும் கரோனா வைரஸால் அதிகம் பாதிக்கப்பட்டுள்ளன. 80 மில்லியன் மக்கள்தொகை கொண்ட ஈரான், கரோனா வைரஸால் கடுமையாகப் பாதிக்கப்பட்ட மத்தியக் கிழக்கு நாடாக உள்ளது.

ஈரானின் புனித நகரமான கூமிலில் பிப்ரவரி மாதத்தில் கரோனா தொற்று முதலில் உறுதி செய்யப்பட்டது. அதைத் தொடர்ந்து வடபகுதியில் உள்ள சுற்றுலா நகரமான கிலான் கடுமையான பாதிப்புக்குள்ளானது. தற்போது ஈரானின் எல்லைப் பகுதியில் கரோனா தொற்று அதிகரித்து வருகிறது.

தவறவிடாதீர்!



IiranCoronaCorona virusOne minute newsகரோனாகரோனா தடுப்பு மருந்துஈரான்அமெரிக்காபிரிட்டன்

Sign up to receive our newsletter in your inbox every day!

More From This Category

More From this Author

x