Published : 28 Dec 2020 13:47 pm

Updated : 28 Dec 2020 13:47 pm

 

Published : 28 Dec 2020 01:47 PM
Last Updated : 28 Dec 2020 01:47 PM

சிலியில் கரோனா பாதிப்பு 6 லட்சத்தைக் கடந்தது

chile-reported-1-711-new-cases-of-covid-19-in-the-past-24-hours

சிலியில் கடந்த 24 மணி நேரத்தில் 1,711 பேருக்குக் கரோனா தொற்று உறுதிப்படுத்தப்பட்டுள்ளது.

இதுகுறித்து சிலி சுகாதாரத் துறை தரப்பில், “சிலியில் கடந்த 24 மணி நேரத்தில் 1,711 பேருக்குக் கரோனா தொற்று உறுதிப்படுத்தப்பட்டுள்ளது. இதனைத் தொடர்ந்து சிலியில் கரோனாவினால் பாதிக்கப்பட்டவர்களின் எண்ணிக்கை 6,00,105 ஆக அதிகரித்துள்ளது. மேலும் தொடர்ந்து 700க்கும் அதிகமானவர்கள் தீவிர சிகிச்சைப் பிரிவில் உள்ளனர்” என்று தெரிவிக்கப்பட்டுள்ளது.


சிலி கரோனா தடுப்பு மருந்து வழங்கும் பணி தொடர்ந்து அதிகரித்து வருகிறது. முதலில் சுகாதாரப் பணியாளர்களுக்குக் கரோனா தடுப்பு மருந்து செலுத்தப்பட்டது.

உருமாறிய கரோனா வைரஸ்

பிரிட்டனில் பரவி வரும் உருமாற்றம் அடைந்த கரோனா வைரஸ் அச்சத்தால் பல்வேறு ஐரோப்பிய நாடுகளும் பிரிட்டனுக்கு விமானப் போக்குவரத்தை நிறுத்திவிட்டன. புதிய வகை கரோனா வைரஸ், கட்டுப்பாட்டை மீறி இருப்பதால், மக்கள் வீட்டுக்குள் பாதுகாப்பாக இருக்க வேண்டும் என பிரிட்டன் அரசு கேட்டுக்கொண்டுள்ளது.

இந்நிலையில் சவுதி அரேபியா, துருக்கி, ஜெர்மனி, பிரான்ஸ், ரஷ்யா, ஹாங்காங் உட்பட 40க்கும் மேற்பட்ட நாடுகள் பிரிட்டன் உடனான சர்வதேச விமானப் போக்குவரத்துக்குத் தடை விதித்துள்ளன.

இந்த நிலையில் உலக நாடுகள் கரோனா மருத்துவப் பரிசோதனைகளைத் தீவிரப்படுத்தியுள்ளன. சமூக இடைவெளியை மக்கள் கவனமாகப் பின்பற்ற வேண்டும் என்று தொடர்ந்து வலியுறுத்தப்பட்டு வருகிறது.

இந்த நிலையில் ஸ்புட்னிக், மாடர்னா, பைசர் ஆகிய கரோனா தடுப்பு மருந்துகள் புதிய வகை வைரஸுக்கு எதிராகப் பயன் அளிப்பதாக மருந்து நிறுவனங்கள் தெரிவித்துள்ளன.

தவறவிடாதீர்!


சிலிகரோனா தடுப்பு மருந்துகரோனாதடுப்பு மருந்துகரோனா வைரஸ்கரோனா நோய் தொற்றுCorona virusCorona

Sign up to receive our newsletter in your inbox every day!

More From This Category

More From this Author

x