Published : 22 Oct 2020 20:45 pm

Updated : 22 Oct 2020 20:46 pm

 

Published : 22 Oct 2020 08:45 PM
Last Updated : 22 Oct 2020 08:46 PM

ரஷ்யாவில் கரோனா பலி 25,000-ஐக் கடந்தது

russia-corona-update

ரஷ்யாவில் கடந்த 24 மணி நேரத்தில் 15,971 பேருக்குக் கரோனா தொற்று உறுதிப்படுத்தப்பட்டுள்ளது. 290 பேர் பலியாகி உள்ளனர்.

“ரஷ்யாவில் கடந்த 24 மணி நேரத்தில் 15,971 பேருக்குக் கரோனா தொற்று உறுதிப்படுத்தப்பட்டுள்ளது. ரஷ்யாவில் இதுவரை 14,63,306 பேர் கரோனா தொற்றால் பாதிக்கப்பட்டுள்ளனர்.


நேற்று மட்டும் 290 பேர் பலியான நிலையில், கரோனாவால் பலியானவர்களின் மொத்த எண்ணிக்கை 25,242 ஆக அதிகரித்துள்ளது” என்று ரஷ்ய சுகாதாரத் துறை தரப்பில் தெரிவிக்கப்பட்டுள்ளது.

ரஷ்யாவின் காமாலியா தொற்றுநோய் தடுப்பு நுண் அறிவியல் ஆய்வு நிறுவனம் ரஷ்யாவின் நேரடி முதலீட்டு நிறுவனத்துடன் இணைந்து தடுப்பு மருந்தைத் தயாரித்துள்ளது. ஸ்புட்னிக்-5 எனப் பெயரிடப்பட்டுள்ள இந்த மருந்து கிளினிக்கல் பரிசோதனையில் 3-ம் கட்டத்துக்குச் செல்லவில்லை என்று கூறப்பட்டது.

இருப்பினும் மருந்தின் மீதான நம்பகத்தன்மையை மக்களுக்குத் தெரியப்படுத்தும் வகையில் தனது மகளுக்கே இந்த மருந்தைச் செலுத்தினார் ரஷ்ய அதிபர் புதின். ஆனால், ரஷ்யா கண்டுபிடித்துள்ள ஸ்புட்னிக்-5 கரோனா தடுப்பு மருந்து மீது முழுமையான நம்பிக்கை வராததால் உலக ஆய்வாளர்கள் தொடர்ந்து விமர்சித்து வந்தனர்.

இதனைத் தொடர்ந்து தங்கள் தடுப்பூசி மருந்தை மூன்றாம் கட்டச் சோதனைகளுக்கு உட்படுத்தி வெற்றி பெற்றதாக ரஷ்யா அறிவித்தது.

ஆனால், ரஷ்யாவின் தடுப்பு மருந்து இன்னும் உலக சுகாதார அமைப்பால் அங்கீகரிக்கப்படவில்லை. இந்த நிலையில் ரஷ்யா கண்டுபிடித்துள்ள இரண்டாவது கரோனா தடுப்பு மருந்துக்கு அதிபர் புதின் அனுமதி அளித்துள்ளார். ஆனால், அம்மருந்து குறித்த எந்தத் தகவலும் வெளியிடப்படவில்லை.

தவறவிடாதீர்!

ரஷ்யாகரோனாகரோனா வைரஸ்கரோனா நோய் தொற்றுகரோனா பலிரஷ்யாவில் கரோனா பலிRussiaCoronaCorona virus

Sign up to receive our newsletter in your inbox every day!

You May Like

More From This Category

More From this Author

x