Published : 17 Oct 2020 21:50 pm

Updated : 17 Oct 2020 21:51 pm

 

Published : 17 Oct 2020 09:50 PM
Last Updated : 17 Oct 2020 09:51 PM

பெல்ஜியத்தில் ஒரே நாளில் 10,400 பேர் கரோனாவால் பாதிப்பு

belgium-has-registered-nearly-10-400-new-infections

பெல்ஜியத்தில் கடந்த 24 மணி நேரத்தில் 10,400 பேருக்குக் கரோனா வைரஸ் தொற்று இருப்பது உறுதிப்படுத்தப்பட்டுள்ளது.

இதுகுறித்து பெல்ஜியம் சுகாதாரத் துறை தரப்பில், ''பெல்ஜியத்தில் கடந்த 24 மணி நேரத்தில் 10,400 பேருக்குக் கரோனா தொற்று இருப்பது உறுதிப்படுத்தப்பட்டுள்ளது. ஒரே நாளில் ஏற்பட்ட அதிகபட்ச தொற்று இதுவாகும். இதனைத் தொடர்ந்து பெல்ஜியத்தில் கரோனாவால் பாதிக்கப்பட்டவர்களின் எண்ணிக்கை 2,02,100 ஆக அதிகரித்துள்ளது” என்று தெரிவிக்கப்பட்டுள்ளது.

பெல்ஜியத்தில் கடந்த சில நாட்களாகவே 8 ஆயிரத்துக்கும் அதிகமானவர்கள் கரோனா தொற்றால் பாதிக்கப்பட்டுள்ளனர்.

கரோனா தொற்று காரணமாக உலகின் பல நாடுகள் பொருளாதாரச் சரிவைச் சந்தித்துள்ளன. எனவே, பொருளாதாரத்தை மீட்டெடுக்கும் நோக்கில் ஊரடங்கில் பல்வேறு தளர்வுகளையும் உலக நாடுகள் அறிமுகப்படுத்தி வருகின்றன.

சீனாவின் வூஹான் நகரில் கடந்த டிசம்பர் மாதம் பரவிய கரோனா வைரஸ் தற்போது உலகம் முழுவதும் பரவியுள்ளது. உலக நாடுகள் அனைத்தையும் கரோனா வைரஸ் அச்சுறுத்தி வரும் சூழ்நிலையில், இதற்கான தடுப்பு மருந்துகளைக் கண்டறியும் பணி முழுவீச்சில் நடைபெற்று வருகிறது.

இந்த நிலையில் அமெரிக்கா, பிரிட்டன், சீனா உள்ளிட்ட சில நாடுகளில் இந்தக் கரோனா தடுப்பு மருந்துகள் இறுதிக்கட்டச் சோதனையை நெருங்கியுள்ளன.


தவறவிடாதீர்!

பெல்ஜியம்கரோனாகரோனா வைரஸ்கரோனா நோய் தொற்றுCoronaCorona virusOne minute news

Sign up to receive our newsletter in your inbox every day!

You May Like

More From This Category

More From this Author