Published : 09 Sep 2020 20:29 pm

Updated : 09 Sep 2020 20:29 pm

 

Published : 09 Sep 2020 08:29 PM
Last Updated : 09 Sep 2020 08:29 PM

பிரேசிலில் 24 மணி நேரத்தில் 14,297 பேர் கரோனாவால் பாதிப்பு

brazil-corona-update

பிரேசிலில் கடந்த 24 மணி நேரத்தில் 14,297 பேருக்குக் கரோனா தொற்று உறுதிப்படுத்தப்பட்டுள்ளது.

இதுகுறித்து பிரேசில் சுகாதாரத் துறை தரப்பில், “கடந்த 24 மணி நேரத்தில் பிரேசிலில் 14,297 பேருக்குக் கரோனா தொற்று உறுதிப்படுத்தப்பட்டுள்ளது. இதனைத் தொடர்ந்து பிரேசிலில் கரோனாவால் பாதிக்கப்பட்டவர்களின் எண்ணிக்கை 41,62,000 ஆக அதிகரித்துள்ளது. நேற்று மட்டும் சுமார் 504 பேர் பலியாகி உள்ளனர். பிரேசிலில் இதுவரை மொத்தம் 1,27,464 பேர் கரோனா வைரஸால் பலியாகி உள்ளனர். கரோனாவிலிருந்து இதுவரை 33 லட்சம் பேர் மீண்டுள்ளனர்” என்று தெரிவிக்கப்பட்டுள்ளது.


பிரேசில் மற்றும் அமெரிக்கா ஆகிய நாடுகள் கரோனாவால் அதிக பாதிப்பைச் சந்தித்துள்ளன. கரோனா பாதிப்பில் அமெரிக்கா முதலிடத்திலும், பிரேசில் இரண்டாம் இடத்திலும் உள்ளன.

தென் அமெரிக்க நாடுகளில் பிரேசிலும், அர்ஜென்டினாவும் கடுமையான பாதிப்பைச் சந்தித்துள்ளன என்றும், தென் அமெரிக்காவின் கரோனா மையமாக பிரேசில் இருப்பதாகவும் உலக சுகாதார அமைப்பு முன்னரே தெரிவித்திருந்தது.

உலகையே அச்சுறுத்திவரும் கரோனா வைரஸால் இதுவரை உலக அளவில் 2 கோடிக்கு அதிகமானவர்கள் பாதிக்கப்பட்டுள்ளனர். கரோனாவுக்குத் தடுப்பு மருந்து கண்டுபிடிக்கும் பணியில் பல்வேறு நிறுவனங்கள் ஈடுபட்டுள்ளன. தடுப்பு மருந்துகளும் பல்வேறு சோதனைக் கட்டங்களில் இருக்கின்றன.

ஆனால், கரோனா லாக்டவுனால் பல நாடுகள் பொருளாதாரச் சீரழிவையும், பாதிப்பையும் தாங்க முடியாமல் கட்டுப்பாடுகளைத் தளர்த்தி, முன்னெச்சரிக்கை நடவடிக்கையுடன் இயல்பு வாழ்க்கைக்கு அனுமதித்து வருகின்றன. பெரும்பாலான நாடுகளில் மக்கள் இயல்பு வாழ்க்கைக்குத் திரும்பிவிட்டனர்.

தவறவிடாதீர்!


பிரேசில்கரோனாகரோனா வைரஸ்கரோனா நோய் தொற்றுஜெய்ர் போல்சனோராBrazilCorona virusOne minute news

Sign up to receive our newsletter in your inbox every day!

You May Like

More From This Category

More From this Author