Published : 24 Aug 2020 20:13 pm

Updated : 25 Aug 2020 17:40 pm

 

Published : 24 Aug 2020 08:13 PM
Last Updated : 25 Aug 2020 05:40 PM

பிரேசிலில் கரோனா வைரஸ் பாதிப்பு 36 லட்சத்தை கடந்தது

brazil-corona-update

பிரேசிலில் கடந்த 24 மணி நேரத்தில் 23,000 பேர் கரோனா தொற்றால் பாதிக்கப்பட்டுள்ளனர்.

இதுகுறித்து பிரேசில் சுகாதாரத் துறை தரப்பில், “ கடந்த 24 மணி நேரத்தில் பிரேசிலில் 23,000 க்கு அதிகமானவர்களுக்கு கரோனா தொற்று உறுதிப்படுத்தப்பட்டுள்ளது. இதனைத் தொடர்ந்து பிரேசிலில் கரோனா பாதிப்பு 36 லட்சத்தை கடந்துள்ளது. மேலும் நேற்று மட்டும் 494 பேர் கரோனாவுக்கு பலியாக பலி எண்ணிக்கை 1,14,744 ஆக அதிகரித்துள்ளது” என்று தெரிவிக்கப்பட்டுள்ளது.

பிரேசிலில் கடந்த சனிக்கிழமை 50,000 பேரும், வெள்ளிக்கிழமை 30,000 பேரும் கரோனாவால் பாதிக்கப்பட்டுள்ளனர்.

தென் அமெரிக்க நாடுகளில் பிரேசிலும், அர்ஜென்டினாவும் கடுமையான பாதிப்பைச் சந்தித்துள்ளன என்றும், தென் அமெரிக்காவின் கரோனா மையமாக பிரேசில் இருப்பதாகவும் உலக சுகாதார அமைப்பு முன்னரே தெரிவித்திருந்தது.

கரோனா வைரஸ் பாதிப்பில் முதல் நான்கு இடங்களில் அமெரிக்கா, பிரேசில், இந்தியா, ரஷ்யா ஆகிய நாடுகள் உள்ளன.

கரோனா வைரஸுக்கு எதிராக தடுப்பூசி உருவாக்கும் பணியில் பல நாடுகள் ஈடுபட்டு வருகின்றன. ஆக்ஸ்போர்ட் பல்கலைக்கழகத்தின் தடுப்பு மருந்தின் முதல் சுற்றுப் பரிசோதனை முடிவுகள் வெற்றி அடைந்துள்ளதாக சமீபத்தில் தகவல் வெளியானது.

இந்த நிலையில் கரோனாவுக்கு எதிரான ‘முதல்’ வாக்சினைக் கண்டுபிடித்துள்ளதாக ரஷ்யா தெரிவித்துள்ளது குறிப்பிடத்தக்கது.

தவறவிடாதீர்!

BrazilCorona virusCoronaOne minute newsபிரேசில்கரோனா வைரஸ்கரோனாகரோனா நோய் தொற்று

Sign up to receive our newsletter in your inbox every day!

You May Like

More From This Category

More From this Author