Published : 16 Dec 2019 11:17 am

Updated : 16 Dec 2019 11:18 am

 

Published : 16 Dec 2019 11:17 AM
Last Updated : 16 Dec 2019 11:18 AM

பிலிப்பைன்ஸில் பலத்த சேதத்தை ஏற்படுத்திய நிலநடுக்கம்: 3 பேர் பலி; பலர் காயம்

rescuers-search-building-rubble-after-in-philippines-quake

பிலிப்பைன்ஸில் ஏற்பட்ட சக்திவாய்ந்த நிலநடுக்கத்துக்கு 3 பேர் பலியாகினர். பலர் காயமடைந்தனர்.

இதுகுறித்து அமெரிக்கப் புவியியல் மையம் தரப்பில், “பிலிப்பைன்ஸில் கிழக்குப் பகுதியில் ஞாயிற்றுக்கிழமை சக்திவாய்ந்த நிலநடுக்கம் ஏற்பட்டது. இந்த நிலநடுக்கம் தாவோ நகரிலிருந்து 90 கிலோ மீட்டர் தூரத்தில் நிலநடுக்கத்தின் மையப்புள்ளியாக அமைந்தது. இது ரிக்டர் அளவுகோலில் 6.8 எனப் பதிவாகியது” என்று தெரிவிக்கப்பட்டுள்ளது.

பிலிப்பைன்ஸில் ஏற்பட்டுள்ள இந்த சக்திவாய்ந்த நிலநடுக்கத்துக்கு 3 பேர் பலியானதாக அதிகாரபூர்வமாக அறிவிக்கப்பட்ட நிலையில் ஆறு பேர் வரை இறந்திருக்கலாம் என்றும் 30க்கும் அதிகமானவர்கள் காயமடைந்துள்ளனர் என்றும் ஊடகங்கள் செய்தி வெளியிட்டுள்ளன.

தொடர்ந்து மீட்புப் பணிகள் நடந்து வருவதாகவும், நிலநடுக்கம் காரணமாக பல இடங்களில் பலத்த சேதம் ஏற்பட்டு இருப்பதாகவும் மீட்புப் பணி அதிகாரிகள் தெரிவித்துள்ளனர்.

மீட்புப் பணிகள் தொடர்ந்து நடைபெற்று வருவதால் பள்ளிகளுக்கு பல இடங்களில் விடுப்பு அறிவிக்கப்பட்டுள்ளது.

கடந்த அக்டோபர் மாதம் முதல் பிலிப்பைன்ஸில் ஏற்பட்டுள்ள ஐந்தாவது சக்திவாய்ந்த நிலநடுக்கம் இதுவாகும் .

ரிங் ஆஃப் ஃபயர்

ஜப்பானில் இருந்து தென்கிழக்கு ஆசியா வழியாகவும் பசிபிக் படுகை முழுவதும் பரவியிருக்கும் ‘தீவிர நில அதிர்வு விளைவுகளின் வளைவு’ என அழைக்கப்படும் பசிபிக் 'ரிங் ஆஃப் ஃபயர்'-ன் ஒரு பகுதி பிலிப்பைன்ஸின் சிறுபகுதியையும் உள்ளடக்கி உள்ளது.

இதன் காரணமாக பிலிப்பைன்ஸ் மற்றும் இந்தோனேசியாவில் தொடர் நிலநடுக்கங்களும், நில அதிர்வுகளும் அவ்வப்போது சுனாமி பாதிப்புகளும் ஏற்படுகின்றன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

பிலிப்பைன்ஸ்பிலிப்பைன்ஸ் சக்தி வாய்ந்த நிலநடுக்கம்3 பேர் பலிரிங் ஆஃப் ஃபயர்Philippines quake

Sign up to receive our newsletter in your inbox every day!

You May Like

More From This Category

More From this Author