Published : 01 Jul 2015 11:39 AM
Last Updated : 01 Jul 2015 11:39 AM
பிரிட்டனைச் சேர்ந்தவர் ஜுலி ஆலிஸ் சாப்பெல். வேலை செய்யாத மின்னணுப் பொருட் களைக் கொண்டு அழகான உருவங்களை உருவாக்குகிறார். சர்க்யூட் போர்ட் போன்ற பொருட் களில் இறகுகளையும் உணர் கொம்புகளையும் பொருத்தி, அழகான பூச்சிகளாக மாற்றிவிடு கிறார்.
அவரது இல்லம் பூச்சிகள், வண்டுகளுக்கான அருங்காட்சி யகம் போலக் காணப்படுகிறது. சமீபத்தில் விற்பனையையும் ஆரம்பித்திருக்கிறார். எந்தப் பூச்சியை இணையத்தில் விற்பனைக்கு வைத்தாலும் உடனே விற்றுவிடுவதில் ஜுலிக்கே ஆச்சரியமாக இருக்கிறது. ஒரு பூச்சியின் விலை சுமார் 7,500 ரூபாயிலிருந்து 16 ஆயிரம் ரூபாய் வரை விற்பனையாகிறது.
என்னதான் அழகாக இருந்தாலும் ஒரு சின்னப் பூச்சிக்கு இவ்வளவு விலையா?
பிரிட்டனில் வசிக்கும் ரோன் மற்றும் ஜெஃப் நெருங்கிய நண்பர்கள். கடந்த 40 ஆண்டுகளாக ஒரே பிறந்தநாள் வாழ்த்து அட்டையைப் பயன்படுத்தி வருகிறார்கள். 40 ஆண்டுகளுக்கு முன் ஜெஃப் பிறந்தநாளுக்கு ரோன் ஒரு வாழ்த்து அட்டையை அனுப்பினார். ரோன் பிறந்தநாளுக்கு ஜெஃப் அதே வாழ்த்து அட்டையில் கையெழுத்திட்டு அனுப்பினார்.
இப்படி நாற்பது ஆண்டுகளாக ஒரே வாழ்த்து அட்டையை இருவரும் பயன்படுத்தி வருகிறார்கள். கையெழுத்துடன் வருடங்கள் குறிப்பிடப்பட்டிருக்கின்றன. வாழ்த்து அட்டை முழுவதும் கையெழுத்துகள் நிரம்பி இருக்கின்றன. காகிதப் பயன்பாட்டையும் செலவையும் குறைக்கும் விதத்தில் சின்ன வயதில் இந்த முடிவை எடுத்ததாகச் சொல்கிறார்கள் நண்பர்கள்.
அடடா! நல்ல யோசனை!
Sign up to receive our newsletter in your inbox every day!
WRITE A COMMENT