எரிவாயு விலை உயர்வு கண்டித்து போராட்டம் :

திருப்பூர்:சமையல் எரிவாயு விலையை உயர்த்திய மத்திய அரசை கண்டித்து, திருப்பூர் வெள்ளியங்காடு நான்குசாலை சந்திப்பில் மார்க்சிஸ்ட் கட்சியினர் நேற்று ஆர்ப்பாட்டத்தில் ஈடுபட்டனர்.

இது தொடர்பாக அவர்கள் கூறியதாவது: வீட்டு உபயோகத்துக்கான சமையல் எரிவாயு உருளை விலையை, மத்திய அரசு தற்போது ரூ.25 உயர்த்தியுள்ளது. கடந்த 8 மாதங்களில் ரூ.165 அதிகரித்துள்ளது. இந்த விலை உயர்வால் பொதுமக்கள் கடும் அதிர்ச்சி அடைந்துள்ளனர். கரோனா காலகட்டத்தில் மக்கள் வேலை மற்றும் ஊதியம் இழப்பு உள்ளிட்டவைகளில் சிக்கித்தவித்து வருகின்றனர். எனவே, சமையல் எரிவாயு விலையை மத்திய அரசு குறைக்க வேண்டும் என்றனர்.