ஆனைமலையில் கொப்பரை ஏலம் :

ஆனைமலை ஒழுங்குமுறை விற்பனைக்கூடத்தில் நேற்று நடந்த ஏலத்தில், கொப்பரை விலை குவிண்டாலுக்கு ரூ.845 குறைந்தது.

ஆனைமலை ஒழுங்குமுறைவிற்பனைக்கூட கண்காணிப்பா ளர் மணிவாசகம் கூறியதாவது:

ஆனைமலை சுற்றுவட்டாரப் பகுதியைச் சேர்ந்த விவசாயிகள், 737 மூட்டை கொப்பரைகளை விற்பனைக்கு கொண்டு வந்திருந்தனர். வியாபாரிகள் முன்னிலையில், அவற்றை தரம் பிரித்து ஏலம் விட்டதில், முதல்தர கொப்பரை 381 மூட்டைகள் குவிண்டாலுக்கு குறைந்தபட்சம் ரூ. 10,200-க்கும்,அதிகபட்சம் ரூ.11,210-க்கும் விற்பனையானது. 2-ம் தர கொப்பரை 356 மூட்டைகள், குவிண்டாலுக்கு அதிகபட்சம் ரூ.9,100-க்கும், குறைந்தபட்சம் ரூ.7,200-க்கும்விற்பனையானது. 9 வியாபாரிகள், 124 விவசாயிகள் ஏலத்தில் பங்கேற்றனர். குவிண்டாலுக்கு இந்த வாரம் ரூ.845 விலை குறைந்து காணப்பட்டது. கடந்த வாரத்தைவிட 41 மூட்டைகள் வரத்து குறைந்து காணப்பட்டது. மொத்தம் 353 குவிண்டால் ரூ.36 லட்சத்துக்கு ஏலமிடப்பட்டது.