உத்தராகண்ட் நிலச்சரிவில் சிக்கி7 பேர் உயிரிழப்பு :

உத்தராகண்ட் மாநிலம் பிதோரகார் மாவட்டத்தில் பலத்த மழை பெய்து வருகிறது. பல இடங்களில் வெள்ள நீர் சூழ்ந்துள்ளதுடன் ஆங்காங்கே நிலச்சரிவும் ஏற்படுகிறது. ஜூம்மா என்ற கிராமத்தில் நேற்று காலை ஏற்பட்ட நிலச்சரிவில் சிக்கி 7 பேர் இறந்தனர். இதுவரை 3 பேரின் உடல்கள் மீட்கப்பட்டுள்ளன. நிலச்சரிவு ஏற்பட்ட பகுதிகளில் நிவாரணப் பணிகள் நடக்கின்றன.

முதல்வர் புஷ்கர் சிங் தாமி தனது ட்விட்டர் பதிவில், ‘‘நிலச்சரிவில் சிக்கியவர்களில் 3 பேரின் உடல்கள் மீட்கப்பட்டுள்ளன. மண்ணில் புதைந்தவர்களை தேடும் பணியை மாநில பேரிடர் மீட்பு படை மேற்கொண்டு வருகிறது. பாதிக்கப்பட்ட மக்களுக்காக நிவாரண பொருட்களும் அனுப்பி வைக்கப்பட்டுள்ளன. அதிகாரிகளுக்கு தேவை யான உத்தரவுகள் பிறப்பிக்கப் பட்டுள்ளன’’ என்று கூறியுள்ளார்.