திருப்பதியில் கட்டப்படும் மேம்பாலம் சரிந்து விழுந்தது

‘ஸ்மார்ட் சிட்டி’ திட்டங்களின் கீழ் திருப்பதி நகரில் பல்வேறு வளர்ச்சி திட்டப்பணிகள் நடைபெற்று வருகிறது.

இதன் ஒரு பகுதியாக திருப்பதி - ரேணிகுண்டா விமான நிலைய சாலை, அலிபிரி-திருச்சானூர், பஸ் நிலையம் - ரேணிகுண்டா ஆகிய தடங்களில் பக்தர்களின் வசதிக்காக மேம்பாலம் அமைக்கும் பணி இரவும்பகலுமாக நடைபெற்று வருகிறது. மேம்பாலத்திற்காக ரூ.684கோடி நிதி ஒதுக்கீடு செய்யப்பட் டுள்ளது. இதன் பணிகள் விரைந்து நடைபெற்று வரும் நிலையில், நேற்று மதியம் திடீரென நிவாசம் பக்தர்கள் தங்கும்விடுதிக்கு அருகே மேம்பாலத்தின் ஒரு பகுதி சரிந்து விழுந்தது. இதில் எவ்வித உயிர்ச் சேதமும் ஏற்படவில்லை..

காண்டிராக்டர்களின் அலட்சிய போக்கால்தான் மேம்பாலம் இடிந்து விழுந்தது என காங்கிரஸ்,பாஜக, தெலுக்கு தேசம் கட்சியினர் குற்றம்சாட்டியுள்ளனர்.