ஜி 7 உச்சி மாநாட்டில் பங்கேற்கமோடிக்கு பிரிட்டன் பிரதமர் அழைப்பு

புதுடெல்லி: பிரிட்டனின் கார்ன்வால் மாகாணத்தில் ஜூன் மாதம் 11-ம் தேதி முதல் 13-ம் தேதி வரை ஜி7 உச்சி மாநாடு நடக்கிறது. இதில் வளர்ச்சியடைந்த நாடுகளைச் சேர்ந்த அமெரிக்கா, கனடா, பிரான்ஸ், ஜெர்மனி, இத்தாலி, ஜப்பான், பிரிட்டன் மற்றும் ஐரோப்பிய யூனியனைச் சேர்ந்த தலைவர்கள் கலந்து கொள்கின்றனர். ஜி7 மாநாட்டில் கலந்து கொள்ளுமாறு பிரதமர் நரேந்திர மோடிக்கு பிரிட்டன் பிரதமர் போரிஸ் ஜான்சன் அழைப்பு விடுத்துள்ளார். தென்கொரியா, ஆஸ்திரேலியா நாடுகளின் தலைவர்களுக்கும் அழைப்பு விடுக்கப்பட்டுள்ளது.

போரிஸ் ஜான்சன் வெளியிட்டுள்ள அறிக்கையில், ‘‘கரோனா தொற்று உலகுக்கு மிகப்பெரிய அச்சுறுத்தலாக இருந்தது. அதிலிருந்து உலக பொருளாதாரம் மீண்டு எழுந்து சிறப்பான எதிர்காலத்துக்கான கருத்தொற்றுமையை ஜி7 உச்சி மாநாடு ஏற்படுத்தும் என்று நம்புகிறேன்’’ என்று தெரிவித்துள்ளார்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow