4 ஆயிரம் செவிலியருக்கு பணி நிரந்தரம் ஸ்டாலின் வலியுறுத்தல்

தமிழக அரசு மருத்துவமனைகளில் தற்காலிக ஊழியர்களாகப் பணியாற்றி வரும் 4 ஆயிரம் செவிலியர்களை பணி நிரந்தரம் செய்ய வேண்டும் என்று திமுக தலைவர் மு.க.ஸ்டாலின் வலியுறுத்தியுள்ளார்.

இதுதொடர்பாக நேற்று அவர் வெளியிட்ட முகநூல் பதிவில் கூறியிருப்பதாவது:

கரோனா வைரஸ் தொற்றிலிருந்து பொதுமக்களின் உயிரைப் பாதுகாக்கும் பணியில் அர்ப்பணிப்பு உணர்வுடன் செயலாற்றிய அரசு செவிலியர்கள் 4 ஆயிரம் பேருக்குத் தற்காலிக பணிக்காலம் நிறைவடைய உள்ளது.

கரோனா வைரஸ் தொற்று அபாயம் முழுமையாக நீங்காத நிலையில், செவிலியர்களின் சேவை, மருத்துவத் துறைக்கும் மக்களுக்கும் தேவை என்பதால் அவர்களைப் பணி நிரந்தரம் செய்ய வேண்டும்.

இவ்வாறு மு.க.ஸ்டாலின் கூறியுள்ளார்.