குடியரசுத் தலைவருடன் ஆளுநர் பன்வாரிலால் சந்திப்பு

டெல்லியில் குடியரசுத் தலைவர் ராம்நாத் கோவிந்த்தை, தமிழக ஆளுநர் பன்வாரிலால் புரோஹித் சந்தித்துப் பேசினார்.

தமிழக ஆளுநர் பன்வாரிலால் புரோஹித் 3 நாள் பயணமாக கடந்த 4-ம் தேதி டெல்லி புறப்பட்டுச் சென்றார். அன்று மாலை பிரதமர் நரேந்திர மோடியை சந்தித்தார்.

தமிழக விவகாரங்கள்

தொடர்ந்து, உள்துறை அமைச்சர் அமித் ஷா, பிரதமர் அலுவலக இணை அமைச்சர் ஜிதேந்திர சிங்கையும் ஆளுநர் சந்தித்தார். அதன்பின் நேற்று முன்தினம் குடியரசு துணைத் தலைவர் வெங்கய்ய நாயுடுவை சந்தித்து, தமிழக அரசியல் விவகாரங்கள் மற்றும் தமிழகப் பிரச்சினைகள் குறித்து விவாதித்தார்.

இந்நிலையில், குடியரசுத் தலைவர் ராம்நாத் கோவிந்த்தை நேற்று சந்தித்து பேசினார். அப்போது, தமிழக நிலவரம் குறித்து அவரிடம் விவாதித்ததாகக் கூறப்படுகிறது.