Published : 15 Jul 2020 20:15 pm

Updated : 15 Jul 2020 20:15 pm

 

Published : 15 Jul 2020 08:15 PM
Last Updated : 15 Jul 2020 08:15 PM

யூடியூப்புக்கு போட்டியாக களமிறங்கும்  ஃபேஸ்புக்

facebook-takes-on-youtube-set-to-launch-licensed-music-videos

கூகுள் நிறுவனத்துக்குச் சொந்தமான யூடியூப்புக்குப் போட்டியாக, அதிகாரபூர்வ உரிமம் பெற்ற பாடல் வீடியோக்களுக்கான வசதியை ஃபேஸ்புக் அறிமுகம் செய்யவுள்ளது.

அமெரிக்காவில் அடுத்த மாதம் முதல் இந்த வசதி செயல்படவுள்ளது. பிரபல இசைக் கலைஞர்களின் பக்கங்களுக்கு ஃபேஸ்புக் தரப்பு மின்னஞ்சல் ஒன்றை அனுப்பியுள்ளது. இதில் ஆகஸ்ட் 1-ம் தேதிக்கு முன், அவரவர் பக்கங்களில் ஒரு புதிய செட்டிங்கை இயக்க வேண்டும்.

இதன் மூலம் தானாகவே அவர்களின் பாடல் வீடியோக்கள் புதிய சேவைக்கு மாற்றப்படும் என்று தெரிவிக்கப்பட்டுள்ளது. இதைச் செய்வதன் மூலம், அவர்களின் பக்கத்தில் பாடல் வீடியோவைச் சேர்ப்பதற்கான அனுமதியை அந்தக் கலைஞர்கள் வழங்குவதாக எடுத்துக் கொள்ளப்படும்.

இதைச் செய்யாவிட்டாலும் கூட, அந்தந்த இசைக் கலைஞரின் பெயரில், அவரது அதிகாரபூர்வ இசைக்கான பக்கங்களை ஃபேஸ்புக் தானாக உருவாக்கும். தங்கள் வீடியோவையோ, மற்ற இணைப்புகளையோ இசைக் கலைஞர்கள் பதிவேற்ற வேண்டிய அவசியம் இருக்காது. சேர்க்கப்பட்ட பாடல் வீடியோவின் விவரங்களைப் பின்னர் கூட இசைக் கலைஞர்கள் மாற்றிக் கொள்ளலாம்.

இந்தப் பக்கத்தை ஃபேஸ்புக் தரப்பே கட்டுப்படுத்தும். ஃபேஸ்புக்கில் வாட்ச் பக்கம் மூலமாகவும், புதிய இசைக்கான பக்கத்திலும் இந்தப் பக்கத்தைப் பயனர்கள் பார்க்கலாம். இது குறித்து ஃபேஸ்புக் தரப்பிலிருந்து இதுவரை ஊடகங்களுக்கு அறிக்கை எதுவும் வரவில்லை.

ஃபேஸ்புக்கின் இந்த முயற்சி யூடியூப்புக்குப் போட்டியாகவே பார்க்கப்படுகிறது. யூடியூப்பில் 200 கோடி பயனர்களுக்கு மேல் உள்ளனர். 2019-ம் ஆண்டில் மட்டும், இசைத் துறைக்கு, யூடியூப்பிலிருந்து 3 பில்லியன் அமெரிக்க டாலர்கள் வருமானம் கிடைத்துள்ளது.

கூகுளின் விளம்பரமில்லாக் கட்டணச் சேவையில் 2 கோடி சந்தாதாரர்கள் இணைந்துள்ளனர். யூடியூப்பின் கட்டணத் தொலைக்காட்சி சேவையில் 20 லட்சம் சந்தாதாரர்கள் உள்ளனர். இன்னொரு பக்கம் ஃபேஸ்புக்கைப் பயன்படுத்துபவர்களின் எண்ணிக்கை சர்வதேச அளவில் 260 கோடிக்கும் அதிகமாக உள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

YoutubeYoutube videosFacebookFacebook videosOne minute newsயூடியூப்யூடியூப் வீடியோக்கள்ஃபேஸ்புக்ஃபேஸ்புக் வீடியோக்கள்யூடியூப்புக்கு போட்டிகளமிறங்கும் ஃபேஸ்புக்கூகுள் நிறுவனம்பாடல் உரிமம்பாடல் வீடியோக்கள்பிரபல இசைக் கலைஞர்கள்

Sign up to receive our newsletter in your inbox every day!

You May Like

More From This Category

More From this Author