ஆட்டோவில் தவறவிட்ட ரூ.1 லட்சம் நகைகள் ஒருமணி நேரத்தில் மீட்பு

புதுச்சேரி: மேற்கு வங்கத்தைச் சேர்ந்தவர் மதுமாயி பசாக் (30). ஆசிரம பக்தரான இவர், தனது பெற்றோருடன் புதுச்சேரி வந்து, குருசுக்குப்பத்தில் வீடு வாடகைக்கு எடுத்து தங்கினார்.

நேற்று பேருந்து நிலையத்தில் இருந்து ஆட்டோவில் வந்த போது, கைப்பையை தவற விட்டார். அதில், ரூ. 1 லட்சத்திற்கும் அதிகமான வைரம், பிளாட்டினம் நகைகள் இருந்தன. உருளையன்பேட்டை காவல் ஆய்வாளர் பாபுஜி தலைமையிலான போலீஸார், ஒரு மணி நேரத்தில் அவர் பயணித்த ஆட்டோவை கண்டுபிடித்து, நகைகளை மீட்டு மதுமாயிடம் ஒப்படைத்தனர்.