கரோனா தொற்று இல்லாத மாவட்டமானது நாமக்கல்

நாமக்கல்: நாமக்கல் மாவட்டத்தில் கரோனா தொற்று பாதிப்பை குறைக்க முகக்கவசம் அணிதல், சமூக இடைவெளியை கடைப்பிடித்தல் போன்ற பல்வேறு நடவடிக்கைகள் மேற்கொள்ளப்பட்டு வருகின்றன. இதன்பலனாக கடந்த ஒரு மாத காலமாக கரோனா தொற்று படிப்படியாக குறையத் தொடங்கியது. கடந்த இரு தினங்களாக ஒருவர் மட்டுமே கரோனா தொற்றால் பாதிக்கப்பட்டனர்.

இந்நிலையில் நேற்று முன்தினம் மாவட்டத்தில் கரோனா தொற்றால் யாரும் பாதிக்கப்படவில்லை. இதனால் நாமக்கல் மாவட்டம் கரோனா பாதிப்பு இல்லாத மாவட்டமாக மாறியது. இதுவரை நாமக்கல் மாவட்டத்தில் கரோனா தொற்றால் 67,990 பேர் பாதிக்கப்பட்டனர். இதில், 67,430 பேர் தொற்று பாதிப்பில் இருந்து குணமடைந்துள்ளனர் என மாவட்ட சுகாதாரத் துறை அதிகாரிகள் தெரிவித்தனர்.