முதல்வர் ஸ்டாலினின் நூல் வெளியீட்டு விழா: சோனியாவுக்கு அழைப்பு

சென்னை: சென்னையில் நந்தனம் ஒய்எம்சிஏ மைதானத்தில் கடந்த 16-ம் தேதி புத்தகக் காட்சியை முதல்வர் ஸ்டாலின் தொடங்கி வைத்தார்.

அப்போது பேசிய அவர், ‘‘நான் எழுதியுள்ள ‘உங்களின் ஒருவன்’ நூலின் முதல் பாகம்இம்மாத இறுதியில் வெளியிடப்படும். எனது 23 ஆண்டுகால வாழ்க்கை பயணத்தின் சுவடுகளைஅதில் பதிவு செய்துள்ளேன். இளமைக்காலம், பள்ளிப் படிப்பு, கல்லூரி காலம், அரசியல் ஆர்வம்,முதலில் நடத்திய கூட்டம், திரையுலகம், திருமணம், மிசாகாலத்தின் தொடக்கம் வரையிலான பதிவுகள் இடம்பெற்றுள்ளன. கடந்த 1976 வரை முதல் பாகமாக அதை எழுதியுள்ளேன். விரைவில் புத்தக காட்சிக்கும் விற்பனைக்கு வரும்’’ என்றார்.

இதைத் தொடர்ந்து வரும் 28-ம்தேதி சென்னை நந்தம்பாக்கம் வர்த்தக மையத்தில் ‘உங்களில் ஒருவன்’ நூல் வெளியீட்டு விழாநடக்கிறது.

இதில், ராகுல் காந்தி சிறப்பு அழைப்பாளராக பங்கேற்பதாக, முதல்வர் அறிவித்திருந்தார். அத்துடன், மேற்குவங்க முதல்வர் மம்தா பானர்ஜி உள்ளிட்ட பல்வேறு கட்சிகளின் தலைவர்களுக்கும் அழைப்பு விடுக்கப்பட்டு வருகிறது. இந்நிலையில், திமுக பொருளாளரும், நாடாளுமன்ற குழுத் தலைவருமான டி.ஆர்.பாலு, காங்கிரஸ் தலைவர் சோனியா காந்தியை டெல்லியில் சந்தித்து, நூல் வெளியீட்டு விழாவுக்கான அழைப்பிதழை வழங்கி, அழைப்பு விடுத்தார்.