சுயேச்சை வேட்பாளர் நூதன பிரச்சாரம்

தூத்துக்குடி: தூத்துக்குடி மாநகராட்சி 3-வது வார்டில் சுயேச்சை வேட்பாளராக ஏ.வேதபிரகாஷ் (63) என்பவர் போட்டியிடுகிறார். நேஷனல்இன்சூரன்ஸ் நிறுவனத்தில் ஊழியராக பணியாற்றி ஓய்வுபெற்றவர். இவர் தனதுஆடையில் பல்வேறு வாசகங்கள் எழுதியகாகிதங்களை ஒட்டிக்கொண்டு வீதிவீதியாக வலம் வருகிறார். “ மாஸ்க் அணியுங்கள், கரோனா தடுப்பூசி போட்டுவிட்டீர்களா, இல்லையெனில் அடுத்த முகாமில் போட்டுக்கொள்ள வேண்டுகிறேன். இளைஞனே நீ சிகரெட்டை விட்டுவிடு. இல்லையெனில் அது உன்னை விடாது” போன்ற வாசகங்கள் எழுதப்பட்டுள்ளன.

இதுகுறித்து அவர் கூறும்போது, “மக்களிடம் விழிப்புணர்வை ஏற்படுத்தும்நோக்கத்தில் இந்த வாசகங்களுடன் வீடுவீடாகச் சென்று வாக்கு சேகரிக்கிறேன். தூத்துக்குடி மாநகராட்சியில் வார்டு தேர்தலில் பணம் பட்டுவாடா நடைபெறுகிறது. அதனை தடுத்து நிறுத்த வேண்டும். இது தொடர்பாக மாவட்ட ஆட்சியரிடம் மனு அளித்துள்ளேன்” என்றார் அவர்.