கனிமொழி பலிகடா ஆக்கப்பட்டார்: 2 ஜி ஊழல் பின்னணியில் ஸ்டாலின் - வைகோ குற்றச்சாட்டு

திருச்சியில் நேற்று நடைபெற்ற மக்கள் நலக் கூட்டணி வழக்கறிஞர் கள் மாநில மாநாட்டில் பங்கேற்க வந்த மதிமுக பொதுச் செயலாளர் வைகோ அளித்த பேட்டி:

சொன்னதை வாபஸ் பெறா விட்டால் சிவில், கிரிமினல் வழக்கு தொடருவோம் என திமுக தரப்பில் இருந்து ஒரு நோட்டீஸ் எனக்கு வந்துள்ளது. ஏற்கெனவே 2006 சட்டப்பேரவைத் தேர்தலின்போது, திமுக மீது ஊழல் குற்றச்சாட்டு கூறியதற்காக என் மீது அவதூறு வழக்கு தொடர்ந்தனர். இன்றுவரை அந்த வழக்கை நடத்தி வருகிறேன். ஆனால், வழக்கு தொடுத்தவர்கள், நீதிமன்றத்துக்கே வருவதில்லை. 10 ஆண்டுகளாக இழுத்துக் கொண் டிருக்கிறது. அதேபோல, இலங் கையில் நடப்பது என்ன என பேசியதற்காக, என் மீது தேசத் துரோக குற்றச்சாட்டு வழக்கை திமுக தலைவர் கருணாநிதி தொடுத்தார். இதில் ஆயுள் தண்டனை அளிக்க முடியும். இந்த வழக்கு விசாரணை யின்போதும் அவர்கள் வர வில்லை. இதில் சாட்சிகள் விசாரிக் கப்பட்டு விட்டனர். நான் பேசி யதை, ஒரு வார்த்தைக்கூட மாற்றிச் சொல்லப் போவதில்லை. ஆயுள் தண்டனை கிடைத்தாலும் மகிழ்ச்சியாக ஏற்றுக்கொள்வேன். சொன்னதை வாபஸ் வாங்கும் பழக்கம் எனக்கு கிடையாது. இது அவருக்கு தெரிந்திருக்காது.

2 ஜி ஸ்பெக்ட்ரம் ஊழல் வழக் கில் கனிமொழி பலிகடா ஆக்கப் பட்டுவிட்டார். ஆனால், ஆயிரக் கணக்கான கோடி ரூபாயை கொள் ளையடித்தவர்கள் திரைமறைவில் பதுங்கிக் கொண்டனர். சென்னை யில் சாகித் பால்வா- மு.க.ஸ்டாலின் சந்தித்தபோது என்ன பரிமாற்றம் நடந்தது. கோடிக்கணக்கான ரூபாய் பணத்துக்கு ஒரு டி.டி. கொடுக்கப் பட்டது என்கிறார்களே. அது யாரிடம் கொடுக்கப்பட்டது. ஸ்டாலி னுக்கும், சாகித் பால்வாவுக்கும் உள்ள உறவை சிபிஐயிடம் சொன் னதால்தானே பெரம்பலூர் சாதிக் பாட்சா தூக்கில் தொங்கினார்.

சாதிக்பாட்சா மரணத்தின் பின்ன ணியில் என்ன நடந்தது என்பதை சிபிஐ முறையாக விசாரிக்க வேண்டும் என பிரதமரிடம் கேட்டுக் கொள்கிறேன். சாதிக்பாட்சாவின் மரணத்துக்கு திமுகவே காரணம் என நான் குற்றம்சாட்டுகிறேன்.

மேலும், 2 ஜி ஸ்பெக்ட்ரம் ஊழலின் பின்னணியில் இருந்தது திமுக பொருளாளர் மு.க.ஸ்டாலின். முடிந்தால் இதற்காகவும் என் மீது வழக்கு போடட்டும். சட்டப்படி பார்த்துக் கொள்கிறேன் என்றார் வைகோ.