Published : 13 Jul 2020 07:57 am

Updated : 13 Jul 2020 07:57 am

 

Published : 13 Jul 2020 07:57 AM
Last Updated : 13 Jul 2020 07:57 AM

தீவிர காய்ச்சல் தடுப்பு முகாம் மூலம் கரோனா பரவுவதை கட்டுப்படுத்தலாம்: அமைச்சர் ஆர்.பி.உதயகுமார் நம்பிக்கை

rb-udhayakumar
மதுரை வடபழஞ்சியில் அமைய உள்ள கோவிட் கேர் மையத்தை ஆய்வு செய்த அமைச்சர் ஆர்.பி.உதயகுமார். உடன் ஆட்சியர் டி.ஜி.வினய், மாநகராட்சி ஆணையர் விசாகன் உள்ளிட்டோர். படம்:எஸ்.கிருஷ்ணமூர்த்தி

மதுரை

தீவிர காய்ச்சல் தடுப்பு முகாம் மூலம் கரோனா பரவுவதை முழுமையாகக் கட்டுக்குள் கொண்டு வரலாம் என அமைச்சர் ஆர்பி.உதயகுமார் கூறினார்.

மதுரை வடபழஞ்சியில் உள்ள தகவல் தொழில்நுட்பப் பூங்காவில் கோவிட் கேர் மையம் அமைக்கப்பட உள்ளது. இதை வருவாய்த் துறை அமைச்சர் ஆர்.பி.உதயகுமார் நேற்று ஆய்வு செய்தார். பின்னர் அவர் செய்தி யாளர்களிடம் கூறியதாவது:

மதுரையில் நடமாடும் காய்ச்சல் பரிசோதனை முகாம் மூலம் பரிசோதனை எண்ணிக்கை படிப் படியாக அதிகரிக்கப்பட்டுள்ளது.

முதல்வர் அறிவுரைப்படி, அரசு மருத்துவமனையில் ஆக்ஸிஜன் வசதியுடன் 1,400 படுக்கைகள் தயார் நிலையில் உள்ளன. பிற அரசு மருத்துவமனைகள் 450 படுக்கைகளும், தனியார் மருத்துவ மனைகள் 900 படுக்கைகளும் வழங்க முன்வந்துள்ளன. இத்துடன் 21 கோவிட் கேர் மையங்களும் ஏற்பாடு செய்யப்பட்டுள்ளன. தற்போது கூடுதலாக மதுரை வடபழஞ்சி தகவல் தொழில்நுட்பப் பூங்காவில் 1000 படுக்கை வசதிகள் கொண்ட கோவிட் கேர் மையம் அமைய உள்ளது. தீவிர காய்ச்சல் தடுப்பு முகாம் நல்ல பலன் தந்துள்ளது. மதுரை நகர், கிராமங்களில் இந்த முகாம் தொடர வேண்டும் என்ற எண்ணம் உள்ளது.

இதன் மூலம் கரோனா பரவுவதை முழுமையாகக் கட்டுக்குள் கொண்டு வர முடியும் என நம்புகிறோம் என்றார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தீவிர காய்ச்சல் தடுப்பு முகாம்கரோனா பரவுவதை கட்டுப்படுத்தலாம்அமைச்சர் ஆர்.பி.உதயகுமார்RB udhayakumar

Sign up to receive our newsletter in your inbox every day!

You May Like

More From This Category

More From this Author