Published : 24 Jun 2020 20:45 pm

Updated : 24 Jun 2020 20:53 pm

 

Published : 24 Jun 2020 08:45 PM
Last Updated : 24 Jun 2020 08:53 PM

திருப்புவனம் தெப்பக்குளம் திறப்பு விழாவில் அமைச்சர் பாஸ்கரன் பங்கேற்பு- சமூக இடைவெளி கடைபிடிக்கப்படாததால் சர்ச்சை

minister-baskaran-participates-in-function

தமிழகத்தில் வழிபாட்டுதலங்கள் திறக்க தடை உள்ளநிலையில் சிவகங்கை மாவட்டம் திருப்புவனத்தில் தெப்பக்குளம் திறப்பு விழாவில் அமைச்சர் ஜி.பாஸ்கரன் பங்கேற்றது பெரும் சர்ச்சையை ஏற்படுத்தியுள்ளது.

தமிழகத்தில் கரோனா வைரஸ் தொற்று வேகமாக பரவி வருகிறது. சென்னை, மதுரை உள்ளிட்ட 5 மாவட்டங்களில் முழு ஊரடங்கு பிறப்பிக்கப்பட்டுள்ளது. இன்னும் சில மாவட்டங்களில் ஊரடங்கு பிறப்பிக்க வாய்ப்புள்ளது. மேலும் தமிழகத்தில் வழிபாட்டுதலங்களை திறக்கவும் அரசு தடை விதித்துள்ளது.

சிவகங்கை மாவட்டத்திலும் கரோனா பாதிப்பு நாளுக்கு நாள் அதிகரித்து வருகிறது. இந்நிலையில் திருப்புவனத்தில் புதிதாக அமைக்கப்பட்ட தெப்பக்குளம் மற்றும் மைய மண்டபம் திறப்பு விழா இன்று நடைபெற்றது.

கதர்கிராமத் தொழில்கள் நலவாரியத்துறை அமைச்சர் ஜி.பாஸ்கரன் தலைமை வகித்தார். மாவட்ட ஆட்சியர் ஜெ.ஜெயகாந்தன், எஸ்.நாகராஜன் எம்எல்ஏ, முன்னாள் எம்பி செந்தில்நாதன், கோட்டாட்சியர் சிந்து உள்ளிட்டோர் பங்கேற்றனர். இந்த விழாவில் ஏராளமானோர் பங்கேற்றதால் சமூக இடைவெளியும் கடைபிடிக்கவில்லை.

வழிபாட்டுதலங்கள் திறக்க தடை உள்ளநிலையில் தெப்பக்குளம் திறப்பு விழாவில் அமைச்சர் பங்கேற்றது பெரும் சர்ச்சையை ஏற்படுத்தியுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

திருப்புவனம் தெப்பக்குளம் திறப்பு விழாஅமைச்சர் ஜி.பாஸ்கரன்சமூக இடைவெளிஅரசு உத்தரவுசிவகங்கை செய்தி

Sign up to receive our newsletter in your inbox every day!

You May Like

More From This Category

More From this Author