Published : 15 Jun 2020 18:08 pm

Updated : 15 Jun 2020 18:08 pm

 

Published : 15 Jun 2020 06:08 PM
Last Updated : 15 Jun 2020 06:08 PM

ஜெ.அன்பழகன் மறைவு: சேப்பாக்கம் திருவல்லிக்கேணி தொகுதி காலியானதாக அறிவிப்பு 

j-anbazhagan-death-declaration-of-the-vacancy-of-chepakkam-tiruvallikeni-constituency

சென்னை

திமுக எம்எல்ஏ ஜெ.அன்பழகன் காலமானதை அடுத்து சேப்பாக்கம் - திருவல்லிக்கேணி தொகுதி காலியாக உள்ளதாக சபாநாயகர் தனபால் அறிவித்துள்ளார்.

சென்னை மேற்கு மாவட்ட திமுக செயலாளரும், சேப்பாக்கம் - திருவல்லிக்கேணி தொகுதி எம்எல்ஏவுமான ஜெ.அன்பழகன், கடந்த 2-ம் தேதி மூச்சுத்திணறல் காரணமாக சென்னை, ரேலா மருத்துவமனையில் அனுமதிக்கப்பட்டார். அங்கு அவருக்கு கரோனா பரிசோதனை மேற்கொள்ளப்பட்டது. அதில், அவருக்குக் கரோனா தொற்று உறுதி செய்யப்பட்டது.

இந்நிலையில், அவரது உடல்நிலை மோசமானது. வென்டிலேட்டர் உதவியுடன் சிகிச்சையளிக்கப்பட்ட அவர் சிகிச்சை பலனின்றி அவரது பிறந்த நாளான ஜூன் 10 அன்று காலை காலமானார்.

மறைந்த ஜெ.அன்பழகன் திமுக சார்பில் 3 முறை போட்டியிட்டு சட்டப்பேரவை உறுப்பினராக வென்றவர். 2001-ல் தியாகராய நகர் தொகுதியிலும், 2011, 2016 ஆகிய தேர்தல்களில் சேப்பாக்கம் தொகுதியிலும் போட்டியிட்டு வென்றார். அவர் மரணமடைந்ததை அடுத்து சேப்பாக்கம்-திருவல்லிக்கேணி தொகுதி காலியாக உள்ளதாக சபாநாயகர் தனபால் அறிவித்துள்ளார்.

சட்டப்பேரவையில் திமுக எம்எல்ஏக்களின் பலம் 100 ஆக இருந்த நிலையில், கே.பி.பி. சாமி, எஸ்.காத்தவராயன் மறைவுக்குப் பிறகு 98 ஆகக் குறைந்தது. ஜெ.அன்பழகனும் மறைந்த நிலையில், அக்கட்சியின் சட்டப்பேரவை உறுப்பினர்கள் எண்ணிக்கை தற்போது 97 ஆகக் குறைந்துள்ளது. இதையடுத்து தமிழக சட்டப்பேரவையில் மொத்த உறுப்பினர் எண்ணிக்கை 231 ஆக உள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

J.anbazhaganDeathDeclarationVacancyChepakkam TiruvallikeniConstituencyஜெ.அன்பழகன்மறைவுசேப்பாக்கம் திருவல்லிக்கேணிதொகுதிகாலிஅறிவிப்புCorona virusCoroana tnDmkசபாநாயகர் தனபால்சட்டப்பேரவைChennai news

Sign up to receive our newsletter in your inbox every day!

You May Like

More From This Category

More From this Author