Published : 11 Apr 2020 12:22 pm

Updated : 11 Apr 2020 13:34 pm

 

Published : 11 Apr 2020 12:22 PM
Last Updated : 11 Apr 2020 01:34 PM

விருதுநகரில் கரோனா தொற்று பாதிக்கப்பட்டோரின் உறவினர்களுக்கு மருத்துவப் பரிசோதனை தொடக்கம்

virudhunagar-corona-tests-to-be-conducted-by-contact-tracing-method

விருதுநகர்

விருதுநகர் மாவட்டத்தில் கரோனா வைரஸ் தொற்றால் பாதிக்கப்பட்ட குடும்பத்தினருக்கு மருத்துவப் பரிசோதனைகள் தொடங்கப்பட்டுள்ளன.

விருதுநகர் மாவட்டத்தில் 11 பேருக்கு கரோனா வைரஸ் பாதிப்பு கண்டுபிடிக்கப்பட்டுள்ளது. இவர்கள் அனைவரும் மதுரையில் உள்ள அரசு மருத்துவமனையில் சிகிச்சை பெற்று வருகின்றனர்.

இந்நிலையில் பாதிக்கப்பட்ட 11 பேரின் குடும்பத்தினர் தனிமைப்படுத்தப்பட்டு இருந்தனர்.

அவர்களில் 54 பேர் விருதுநகர் அரசு மருத்துவமனைக்கு அழைத்து வரப்பட்டு தொண்டையில் சளி மாதிரி எடுக்கப்பட்டு பரிசோதனைக்காக மதுரை அரசு மருத்துவமனைக்கு அனுப்பி வைக்கப்பட்டுள்ளது.

அதைத் தொடர்ந்து, தற்போது மேலும் 36 பேர் விருதுநகர் அரசு மருத்துவமனைக்கு அழைத்து வரப்பட்டு தொண்டையில் சளி மாதிரி எடுக்கப்பட்டு பரிசோதனைக்காக மதுரை அரசு மருத்துவமனைக்கு அனுப்பி வைக்கப்பட்டுள்ளது.

இதுகுறித்து மருத்துவத்துறை அதிகாரிகள் கூறுகையில், "பரிசோதனை முடிவுகள் தெரிந்த பின்னர் அடுத்த கட்ட சிகிச்சை நடவடிக்கைகள் மேற்கொள்ளப்படும்.

தற்பொழுது கரோனா வைரஸ் தொற்று கண்டறியும் ஆர்.டி.பி.சி.ஆர் கருவி ஒன்று விருதுநகர் அரசு மருத்துவமனைக்கு வழங்கப்பட்டுள்ளது.

இந்த இயந்திரம் முழுமையாக பொருத்தப்பட்டு 3 நாட்களில் மதுரை அரசு மருத்துவமனையில் மேற்கொள்ளப்படும் பரிசோதனையைப் போன்று விருதுநகரில் பரிசோதனை மேற்கொள்ளப்பட உள்ளது" எனத் தெரிவித்தனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

விருதுநகர்கரோனா தொற்றுமருத்துவப் பரிசோதனைகொரோனா வைரஸ்

Sign up to receive our newsletter in your inbox every day!

You May Like

More From This Category

More From this Author