பிஎஸ்என்எல் தலைமை பொது மேலாளர் பொறுப்பேற்பு

பிஎஸ்என்எல் சென்னை தொலைத் தொடர்பு வட்டத்தின் புதிய தலைமை பொது மேலாளராக எஸ்.எம்.கலாவதி பொறுப்பேற்றுள்ளார்.

பிஎஸ்என்எல் சென்னை தொலைத்தொடர்பு வட்டத்தின் புதிய பொது மேலாளராக எஸ்.எம்.கலாவதி நியமிக்கப்பட்டுள்ளார். 1981-ம் ஆண்டு இந்திய தொலைத் தொடர்பு சேவை அணியை சேர்ந்த கலாவதி, புதுச்சேரி, கேரளா ஆகிய மாநிலங்களில் பொது மேலாளராக பணி புரிந்துள்ளார். கடந்த 2012-ம் ஆண்டு சென்னை தொலைத்தொடர்பு வட்டத்தில் பணிக்கு சேர்ந்தார். தலைமை பொது மேலாளராவதற்கு முன்பு சென்னை தொலைத்தொடர்பு வட்டத்தின் மூத்த பொது மேலாளராக அவர் பணி புரிந்து வந்தார். தொலைத்தொடர்பு வட்டத்துக்கு தலைமை பொது மேலாளராக பொறுப்பேற்றுள்ள முதல் பெண் கலாவதி ஆவார்.