சென்ட்ரல் தெற்கு ரயில்வே அலுவலகத்தில் தீ விபத்து

சென்னை சென்ட்ரல் ரயில் நிலையத்தின்  தெற்கு ரயில்வே கட்டிடத்தில் திடீரென தீவிபத்து ஏற்பட்டது.

சென்னை சென்ட்ரல் ரயில் நிலையம் அருகே தெற்கு ரயில்வே அலுவலகத்தின் பொதுமேலாளர் அலுவலகத்தின் 4 ஆவது மாடியில் இன்று (செவ்வாய்க்கிழமை) தீ விபத்து ஏற்பட்டது.

இதனால் அலுவலகத்தில் இருந்த நாற்காலிகள், முக்கிய ஆவணங்கள் தீயில் எரிந்தன.

5 தீயணைப்பு வாகனங்கள் உதவியுடன் தீயை அணைக்கும் பணியில் தீயணைப்பு வீரர்கள் ஈடுபட்டனர். சில மணி நேர போராட்டத்துக்கு பின்னர் தீ அணைக்கப்பட்டது.

தீ விபத்துக்கான காரணம் இதுவரை தெரியவில்லை. போலீஸார் இதுகுறித்த விசாரணையில் ஈடுபட்டு வருகின்றனர்.